സത്യം:430 കോടി രൂപ തട്ടിയെടുത്തു
Wednesday,
December 16,
2009
ഹൈദരാബാദ്
സത്യം കമ്പനി സ്ഥാപകന് ബി. രാമലിംഗരാജുവും സഹോദരന് ബി. രാമരാജുവും വ്യാജരേഖകള് ചമച്ച് കമ്പനിയില് നിന്നു 430 കോടി രൂപ തട്ടിയതായി സിബിഐ. സത്യം കുംഭകോണത്തെക്കുറിച്ച് അന്വേഷിച്ച സിബിഐ സംഘം തയാറാക്കിയ കുറ്റപത്രത്തിലാണ് ഈ വെളിപ്പെടുത്തല്.
വ്യാജ ഇടപാടുകാരെ സൃഷ്ടിച്ചും കൃത്രിമ ഇന്വോയ്സുകള് നിര്മിച്ചുമാണ് പണം തട്ടിയതെന്നതിനു തെളിവുണ്ടെന്നു കുറ്റപത്രത്തില് പറയുന്നു. രാമരാജുവും സത്യം ജീവനക്കാരായിരുന്ന ജി. രാമകൃഷ്ണ, ഡി. വെങ്കടപ്പള്ളി രാജു, ശ്രീശൈലം എന്നിവര് ചേര്ന്നാണു തട്ടിപ്പിനു ഗുഢാലോചന നടത്തിയത്. ഇതിനായി കൃത്രിമ ഇ-മെയ്ല് ഐഡികളും നിര്മിച്ചു. വിദേശത്തു നിന്നുള്ള ഉപയോക്താക്കളുടെ പേരിലായിരുന്നു ഇത്.
വിശദമായ അന്വേഷണത്തില് ഹൈദരാബാദില് നിന്നു തന്നെയാണ് ഇ-മെയ്ല് അയച്ചതെന്നു വ്യക്തമായതായും സിബിഐ.
Close...
Maximum Character Allowed -
4000