മരട്
നെട്ടൂര്-തേവര കടത്തു ബോട്ട് മുങ്ങിയ നിലയില്. കഴിഞ്ഞ ദിവസം രാത്രിയാണു കടവില് കെട്ടിയിട്ടിരുന്ന ബോട്ട് മുങ്ങിയതായി കണ്ടത്. ഞായറാഴ്ച വിദ്യാര്ഥികള്ക്കു സൗജന്യനിരക്കില് യാത്ര ചെയ്യുന്നതിനെ ചൊല്ലി തര്ക്കമുണ്ടായിരുന്നു. ബോട്ട് മുങ്ങിയതിനു ഈ തര്ക്കവുമായി ബന്ധമുണ്ടെന്നു സംശയിക്കുന്നതായി ബോട്ടുടമ അലക്സ് പറഞ്ഞു.
നെട്ടൂര് നിവാസികളുടെ നഗരവുമായി ബന്ധപ്പെടുവാനുള്ള എളുപ്പമാര്ഗമായിരുന്നു ഈ കടത്ത്. രണ്ടുമാസം മുന്പ് ഇതേ ബോട്ട് കയര് അഴിച്ചു വിട്ട നിലയില് കടവന്ത്ര ഭാഗത്തു നിന്നു കണ്ടെത്തിയിരുന്നു. ബോട്ട് ഉയര്ത്തിയ ശേഷമേ മുങ്ങാനുള്ള കാരണം വ്യക്തമാകൂവെന്നു പനങ്ങാട് എസ്ഐ വി.എസ്. നവാസ് പറഞ്ഞു.
Close...
Maximum Character Allowed -
4000