റെയ്ല്‍വേ പ്രൊട്ടക്ഷന്‍ ഫോഴ്സ്, റെയില്‍വേ പ്രൊട്ടക്ഷന്‍ സ്പെഷ്യല്‍ ഫോഴ്സ് (ആര്‍പിഎഫ്/ ആര്‍പിഎസ്എഫ്) കോണ്‍സ്റ്റബിള്‍ തസ്തികയിലെ ഒഴിവിലേക്ക് അപേക്ഷ ക്ഷണിച്ചു. എംപ്ലോയ്മെന്‍റ് നോട്ടിസ് നമ്പര്‍ 01/2011. പരസ്യത്തീയതി 23/02/2011. മാര്‍ച്ച് 24 വരെ അപേക്ഷ സ്വീകരിക്കും. സ്ത്രീകള്‍ക്കും അപേക്ഷിക്കാം. വിവാഹിതരുടെ അപേക്ഷ സ്വീകരിക്കില്ല.

യോഗ്യത

മെട്രിക്കുലേഷന്‍/ തത്തുല്യ യോഗ്യതയുള്ളവര്‍ക്ക് അപേക്ഷിക്കാം.

ഒഴിവ്

11952 ഒഴിവ് (ജനറല്‍ - 6901, ഒബിസി- 2371, എസ്സി- 1317, എസ്ടി- 1363).

ശമ്പളനിരക്ക്

5200 20200 രൂപ.

പ്രായം

18-25 വയസ്. 2011 ജൂലൈ ഒന്ന് അടിസ്ഥാനമാക്കിയായിരിക്കും പ്രായം കണക്കാക്കുക. ചട്ടപ്രകാരമുള്ള ഇളവു ലഭിക്കും വെബ്സൈറ്റ് കാണുക.

തെരഞ്ഞെടുപ്പ്

എഴുത്തുപരീക്ഷ, സര്‍ട്ടിഫിക്കറ്റ് പരിശോധന, ശാരീരിക അളവ്, ക്ഷമതാ പരീക്ഷ, വൈവ, മെഡിക്കല്‍ ടെസ്റ്റ് എന്നിവയുടെ അടിസ്ഥാനത്തിലായിരിക്കും തെരഞ്ഞെടുപ്പ്. തെരഞ്ഞെടുപ്പ് സംബന്ധിച്ച വിശദവിവരങ്ങള്‍ വെബ്സൈറ്റില്‍.

അപേക്ഷാഫീസ്

40 രൂപ. ഫിനാന്‍ഷ്യല്‍ അഡ്വവൈസര്‍ ആന്‍ഡ് ചീഫ് അക്കൗണ്ട്സ് ഓഫിസര്‍ എന്ന പേരില്‍ ബന്ധപ്പെട്ട വിലാസങ്ങളില്‍ അപേക്ഷാഫീസ് അടയ്ക്കണം. വെബ്സൈറ്റ് കാണുക.

അപേക്ഷ

www.indianrailways.gov.in   വെബ്സൈറ്റില്‍ നിന്ന് അപേക്ഷാഫോമിന്‍റെ മാതൃക ലഭിക്കും. നിര്‍ദേശങ്ങള്‍ വ്യക്തമായി മനസിലാക്കി അപേക്ഷ പൂരിപ്പിക്കണം. അപേക്ഷയോടൊപ്പം താഴെപ്പറയുന്നവ അയയ്ക്കണം:

അപേക്ഷാഫീസ് അടച്ച ഇന്ത്യന്‍ പോസ്റ്റല്‍ ഓര്‍ഡര്‍/ ബാങ്ക് ഡ്രാഫ്റ്റിന്‍റെ ഒറിജിനല്‍, യോഗ്യത, പ്രായം തെളിയിക്കുന്ന മെട്രിക്കുലേഷന്‍ സര്‍ട്ടിഫിക്കെറ്റിന്‍റെ സ്വയം സാക്ഷ്യപ്പെടുത്തിയ കോപ്പി, എസ്സി/എസ്ടി വിഭാഗക്കാര്‍, ഒബിസിക്കാര്‍ ജാതി സര്‍ട്ടിഫിക്കെറ്റിന്‍റെ സ്വയം സാക്ഷ്യപ്പെടുത്തിയ കോപ്പി, ഒബിസിക്കാര്‍ ഡിക്ലറേഷന്‍, വിമുക്ത ഭടന്‍മാര്‍ ബന്ധപ്പെട്ട സര്‍ട്ടിഫിക്കെറ്റ്, അപേക്ഷയില്‍ ഒട്ടിച്ചതു പോലുള്ള 3.5 x 4.5 സെ.മീ. സൈസ് പിന്നില്‍ ഉദ്യോഗാര്‍ഥിയുടെ പേരെഴുതിയ ഒരു കളര്‍ ഫോട്ടൊ, സ്വന്തം വിലാസമെഴുതി അഞ്ചു രൂപയുടെ ഒട്ടിച്ച 28 x 12 സെ.മീ. സൈസ് രണ്ട് കവര്‍, സാമ്പത്തികമായി പിന്നാക്കം നില്‍ക്കുന്നവര്‍ ബന്ധപ്പെട്ട സര്‍ട്ടിഫിക്കെറ്റ്.

അപേക്ഷ അയയ്ക്കുന്നതിനും ഒദ്യോഗിക വിജ്ഞാപനത്തിനും വെബ്സൈറ്റ് കാണുക. വിജ്ഞാപനം മനസിലാക്കിയ ശേഷം അപേക്ഷിച്ചാല്‍ മതി.