വാഷിങ്ടണ്‍

പാക്കിസ്ഥാന്‍ ആണവരാഷ്ട്രമാകുന്നതു തടയാന്‍ ബ്രിട്ടനും യുഎസും ശ്രമം നടത്തി. ആണവ സാങ്കേതിക വിദ്യ വാങ്ങാനുള്ള പാക് നീക്കം തടയാനായിരുന്നു ശ്രമം. എന്നാല്‍ ശ്രമങ്ങള്‍ വിഫലമായി. യുഎസ് പ്രസിദ്ധീകരിച്ച രഹസ്യ രേഖകളിലാണ് ഈ വിവരങ്ങള്‍ ഉള്ളത്.

ആണവസാങ്കേതിക വിദ്യ വാങ്ങാനുള്ള പാക് നീക്കത്തിനെതിരേ രഹസ്യ പ്രചാരണം നടത്തുകയായിരുന്നു ഇരുരാജ്യങ്ങളും. ആണവ വിദ്യ വാങ്ങുന്നതില്‍ നിന്നു പാക്കിസ്ഥാനെ തടയുകയായിരുന്നു ലക്ഷ്യം. 1978- 81 കാലഘട്ടങ്ങളില്‍ ഇക്കാര്യമാവശ്യപ്പെട്ടു 300 സന്ദേശങ്ങളാണു ആണവ വിതരണ രാജ്യങ്ങള്‍ക്കു യുഎസ് അയച്ചതെന്നു ദേശീയ സുരക്ഷ ആര്‍ക്കൈവിനു കൈമാറിയ രഹസ്യരേഖകളില്‍ പറയുന്നു. എന്നാല്‍ ഇക്കാര്യം അവര്‍ ഇന്ത്യയില്‍ നിന്നു മറച്ചുവച്ചു. പക്ഷേ, പാക് നീക്കങ്ങളെക്കുറിച്ച് ഇന്ത്യക്കു രഹസ്യവിവരം ലഭിച്ചിരുന്നു.