മെഡിക്കല്‍ വിദ്യാഭ്യാസ വകുപ്പിന്‍റെ കീഴില്‍ തിരുവനന്തപുരം മെഡിക്കല്‍ കോളെജിലുള്ള ചൈല്‍ഡ് ഡെവലപ്മെന്‍റ് സെന്‍ററില്‍ 2011-12 വര്‍ഷത്തെ പോസ്റ്റ് ഗ്രാജ്വേറ്റ് ഡിപ്ലോമ ഇന്‍ ക്ലിനിക്കല്‍ ചൈല്‍ഡ് ഡെവലപ്മെന്‍റ് (പിജിഡിസിസിഡി) കോഴ്സ് പ്രവേശനത്തിന് അപേക്ഷിക്കാം.

അപേക്ഷാഫോം ചൈല്‍ഡ് ഡെവലപ്മെന്‍റ് സെന്‍റര്‍, തിരുവനന്തപുരം , മെഡിക്കല്‍ കോളെജ് ക്യാംപസില്‍ നിന്ന് ഓഗസ്റ്റ് പത്തു വരെ ലഭിക്കും. വില 100 രൂപ. തപാലില്‍ അപേക്ഷ ലഭിക്കണമെന്നുള്ളവര്‍ 130 രൂപ ഡയറക്റ്റര്‍, ചൈല്‍ഡ് ഡെവലപ്മെന്‍റ് സെന്‍റര്‍ പിഒ, തിരുവനന്തപുരം- 11 എന്ന വിലാസത്തില്‍ ഓഗസ്റ്റ് അഞ്ചിനു മുമ്പു ലഭിക്കത്തക്ക വിധത്തില്‍ മണിയോര്‍ഡര്‍ അയയ്ക്കണം. എസ്സി, എസ്ടി വിഭാഗക്കാര്‍ അപേക്ഷയ്ക്കു നേരിട്ട് 75 രൂപ, തപാല്‍മാര്‍ഗം 105 രൂപ നല്‍കിയാല്‍ മതി.

പ്രായം: 19-28 വയസ്. 2011 ജൂണ്‍ 30 അടിസ്ഥാനമാക്കി പ്രായം കണക്കാക്കും. പട്ടികജാതി/ വര്‍ഗ വിഭാഗക്കാര്‍ക്ക് ഉയര്‍ന്ന പ്രായപരിധിയില്‍ ആറു വര്‍ഷം ഇളവ്.

യോഗ്യത: കേരളത്തിലെ സര്‍വകലാശാലകള്‍ നടത്തുന്ന ബിഎസ്സി ഹോം സയന്‍സ് ഐശ്ചിക വിഷയമായി പഠിച്ച് 50 ശതമാനം മാര്‍ക്കോടെ ജയിച്ചവരാകണം അപേക്ഷകര്‍. പട്ടികജാതി/ വര്‍ഗ വിഭാഗക്കാര്‍ക്കു പത്തു ശതമാനം മാര്‍ക്ക് ഇളവ്.

പൂരിപ്പിച്ച അപേക്ഷ പ്രോസ്പെക്റ്റസില്‍ നിര്‍ദേശിച്ച സര്‍ട്ടിഫിക്കെറ്റുകള്‍ സഹിതം മെഡിക്കല്‍ വിദ്യാഭ്യാസ ഡയറക്റ്റര്‍, മെഡിക്കല്‍ വിദ്യാഭ്യാസ ഓഫിസ് വിലാസത്തില്‍ ലഭിക്കണം. അവസാന തീയതി ഓഗസ്റ്റ് 12.

കൂടുതല്‍ വിവരങ്ങള്‍ക്ക്: www.keralaparamedicalcouncil.org