കൊച്ചി

യുണൈറ്റഡ് നേഷന്‍സ് 2011ലെ അന്താരാഷ്ട്ര രസതന്ത്ര വര്‍ഷമായി പ്രഖ്യാപിച്ചതിന്‍റെ ഭാഗമായി മികച്ച കെമിസ്ട്രി അധ്യാപകര്‍ക്ക് ടാറ്റ കെമിക്കല്‍സ് അവാര്‍ഡ് നല്‍കുന്നു. അസോസിയേഷന്‍ ഒഫ് കെമിസ്ട്രി ടീച്ചേഴ്സിന്‍റെ സഹകരണത്തോടെയാണ് ബെസ്റ്റ് കെമിസ്ട്രി ടീച്ചര്‍ (ബിസിടിഎ) അവാര്‍ഡ് നല്‍കുന്നത്. യുവ മനസുകളില്‍ കെമിസ്ട്രിയോടുള്ള സ്നേഹം വളര്‍ത്തുന്നതിന് ആരംഭിച്ച  www.humantouchofchemistry.com  എന്ന വെബ്സൈറ്റില്‍ ടാറ്റ കെമിക്കല്‍സ് പങ്കാളിയാകും.

വെബ്സൈറ്റിലൂടെയാണ് പ്ലസ് വണ്‍, പ്ലസ് ടു, ബിരുദം, ബിരുദാനന്തരബിരുദം എന്നീ തലങ്ങളിലുള്ള മികച്ച കെമിസ്ട്രി അധ്യാപകരെ കണ്ടെത്തുന്നത്. അസോസിയേഷന്‍ ഒഫ് കെമിസ്ട്രി ടീച്ചേഴ്സ് ഇന്‍ ഇന്ത്യയുടെ വിപുലമായ ശൃംഖലയും ഉപയോഗിക്കും. ശാസ്ത്രജ്ഞര്‍, വ്യവസായ രംഗത്തെ പ്രമുഖര്‍, അക്കാഡമിക് വിദഗ്ധര്‍ എന്നിവരും വിവിധ സോഷ്യല്‍ മീഡിയകളിലൂടെയുള്ള വിദ്യാര്‍ഥികളുടെ പ്രതികരണവും കണക്കിലെടുത്താവും അവാര്‍ഡ് ജേതാക്കളെ തീരുമാനിക്കുക. ഡോ. ശാസ്ത്രിയായിരിക്കും അവാര്‍ഡ് കമ്മിറ്റി ചെയര്‍മാന്‍.

ബെസ്റ്റ് കെമിസ്ട്രി ടീച്ചര്‍ (പ്ലസ് വണ്‍, പ്ലസ് ടു, തത്തുല്യ ക്ലാസുകള്‍), ബെസ്റ്റ് കെമിസ്ട്രി ടീച്ചര്‍ (ബിരുദം), ബെസ്റ്റ് കെമിസ്ട്രി ടീച്ചര്‍ (ബിരുദാനന്തരബിരുദം), ബെസ്റ്റ് കെമിസ്ട്രി ടീച്ചര്‍ ഫൊര്‍ ഇന്നവേഷന്‍ ഇന്‍ ടീച്ചിങ്), ബെസ്റ്റ് ടീച്ചര്‍ ഫൊര്‍ പ്രമോഷന്‍ ഒഫ് കെമിസ്ട്രി ആസ് എ സബ്ജക്റ്റ്, മോസ്റ്റ് പോപ്പുലര്‍ കെമിസ്ട്രി ടീച്ചര്‍- സോഷ്യല്‍ മീഡിയ പ്രതികരണങ്ങളുടെ അടിസ്ഥാനത്തിലാണു വിവിധ പുരസ്കാരങ്ങള്‍.

സ്വന്തമായും വിദ്യാര്‍ഥികള്‍/ കോളെജ് എന്നിവ വഴിയും അവാര്‍ഡിനു നോമിനേറ്റ് ചെയ്യാം. അസോസിയേഷന്‍ ഒഫ് കെമിസ്ട്രി ടീച്ചേഴ്സിന്‍റെ പ്രാദേശിക ഓഫിസുകള്‍ വഴിയും നോമിനേഷന്‍ സമര്‍പ്പിക്കാം.

കൂടുതല്‍ വിവരങ്ങള്‍ക്കു വെബ്സൈറ്റ് കാണുക.