വാഷിങ്ടണ്‍

പാക് വിരോധം പുലര്‍ത്തുന്ന അഫ്ഗാനിസ്ഥാനെ സൃഷ്ടിക്കാനാണ് ഇന്ത്യന്‍ ശ്രമമെന്നു മുന്‍ പ്രസിഡന്‍റ് പര്‍വേസ് മുഷറഫ്. വാഷിങ്ടണ്‍ ഐഡിയ ഫോറത്തില്‍ റോളിങ് പാനല്‍ പരിപാടിയില്‍ സംസാരിക്കുകയായിരുന്നു അദ്ദേഹം. അഫ്ഗാന്‍ നയതന്ത്രവിദഗ്ധര്‍, സൈനികര്‍, രഹസ്വാന്വേഷണ ഉദ്യോഗസ്ഥര്‍ എന്നിവരെ ഇന്ത്യയിലേക്ക് അയയ്ക്കുന്നു.

ഇന്ത്യ നല്‍കുന്ന പരിശീലനത്തിലൂടെ അവര്‍ പാക് വിരോധികളായി മാറുന്നു. താന്‍ പ്രസിഡന്‍റായിരുന്നപ്പോള്‍ അഫ്ഗാന്‍ സൈനികര്‍ക്കു സൗജന്യ പരിശീലനം വാഗ്ദാനം ചെയ്തിരുന്നു. എന്നാല്‍ പരിശീലനത്തിന് അയയ്ക്കാന്‍ അഫ്ഗാന്‍ തയാറായില്ലെന്നു മുഷറഫ് പറഞ്ഞു.