തിരുവനന്തപുരം

കെഎസ് ആന്‍ഡ് എസ്ആര്‍ ചട്ടപ്രകാരം പിഎസ്സി നിയമനശുപാര്‍ശകളിലെ സംവരണ റൊട്ടേഷന്‍ കംപ്യൂട്ടര്‍ വത്കരിക്കാന്‍ കമ്മിഷന്‍ തീരുമാനിച്ചു. പ്രായോഗിക പരീക്ഷണം വൈകാതെ ആരംഭിക്കും.

2012 മേയ് മുതലുള്ള നിയമനശുപാര്‍ശകളിലെ സംവരണ റൊട്ടേഷന്‍ കംപ്യൂട്ടര്‍ വത്കരിക്കാനാണു തീരുമാനം. ഇന്നലെ ചേര്‍ന്ന കമ്മിഷന്‍ യോഗത്തിലാണു തീരുമാനം.

സംസ്ഥാന സഹകരണ ബാങ്കിലെ ക്ലര്‍ക്ക് തസ്തികയിലേക്കുള്ള നേരിട്ടുള്ള നിയമനത്തില്‍ 250 പേര്‍ മെയ്ന്‍ ലിസ്റ്റിലും 200 പേര്‍ സൊസൈറ്റി ക്വോട്ടയിലും ഉള്‍പ്പെടുന്ന റാങ്ക് ലിസ്റ്റ് തയാറാക്കാനും കമ്മിഷന്‍ തീരുമാനിച്ചു.

ഓണ്‍ലൈന്‍ എക്സാമിനേഷനും ക്വസ്റ്റ്യന്‍ ബാങ്കും സംവിധാനം നടപ്പാക്കുന്നതിനുള്ള സോഫ്റ്റ്വെയര്‍ തയാറാക്കാന്‍ സി-ഡിറ്റിനെ ചുമതലപ്പെടുത്താനും യോഗം തീരുമാനിച്ചു.