തിരുവനന്തപുരം

ഫിഷറീസ് സര്‍വകലാശാല വൈസ് ചാന്‍സലര്‍ ബി. മധുസുദനക്കുറുപ്പിനെതിരേ നടപടിക്കു ശുപാര്‍ശ. കുസാറ്റ് ഫിഷറീസ് വിഭാഗം ഡയറക്റ്ററായിരിക്കെ സാമ്പത്തിക ക്രമക്കേട് നടത്തിയെന്ന കേസിലാണിത്. ധനകാര്യ അന്വേഷണ വിഭാഗമാണു നടപടിക്കു ശുപാര്‍ശ ചെയ്തത്. ഇദ്ദേഹം സര്‍ക്കാര്‍ ഉത്തരവുകളും സിന്‍ഡിക്കെറ്റ് തീരുമാനങ്ങളും പാലിച്ചില്ല. ഈ സാഹചര്യത്തില്‍ ഡെപ്യൂട്ടേഷന്‍ റദ്ദാക്കി പലിശ സഹിതം 1.29 കോടി രൂപ തിരിച്ചു പിടിക്കണം. അനധികൃതമായി ഇദ്ദേഹം വിമാന യാത്രകള്‍ നടത്തിയതായി കണ്ടെത്തി. ഈ സാഹചര്യത്തില്‍ വിസിക്കെതിരേ അടിയന്തര നടപടികള്‍ സ്വീകരിക്കണമെന്നും വിഭാഗം ശുപാര്‍ശ ചെയ്യുന്നു.