December 2019 - 12:18 am IST
Download Our Mobile App
ഗെയ്മിങ് സ്മാര്ട്ഫോണ് റെഡ് മാജിക് 3 ഇന്ത്യയില്‍ അവതരിപ്പിച്ചു
Published:18 June 2019
കൊച്ചി: സ്മാര്‍ട്ട് ഫോണ് നിര്‍മാതാക്കളായ നൂബിയ ആദ്യ ഗെയ്മിങ് സ്മാര്‍ട്ട് ഫോണായ റെഡ് മാജിക് 3 അവതരിപ്പിച്ചു. ജൂണ്‍ 27 മുതല്‍ ഫളിപ്പ്കാര്‍ട്ടില്‍ ലഭ്യമാകും. ആക്റ്റീവ് ലിക്വിഡ് കൂളിങ്ങ് ടര്ബോ ഫാന്‍ എന്ന നൂതന സാങ്കേതിക വിദ്യയാണ് ഫോണിന്റെ ഏറ്റവും ആകര്‍ഷണീയമായ ഫീച്ചറുകളില്‍ ഒന്ന്. തുടര്‍ച്ചയായി മണിക്കൂറുകളോളം ഗെയ്മിങ്ങില്‍ സമയം ചിലവഴിക്കുന്നവരെ സംബന്ധിച്ച് മനസ് തണുപ്പിക്കുന്ന ഫീച്ചറായിരിക്കും 'ചൂടാവാത്ത' ഫോണ്. ഒപ്പം നൂതനമായ ഗെയിം ബൂസ്റ്റ് ബട്ടനുമുണ്ട്.
27 വാട്ടിന്‍റെ അതിവേഗ ചാര്‍ജിങ് ഉറപ്പാക്കുന്ന 5000 എംഎഎച്ച് കരുത്തന്‍ ബാറ്ററി. പത്ത് മിനിറ്റ് ചാര്‍ജ് ചെയ്താല്‍ ഒരു മണിക്കൂറോളം ഗെയിം കളിക്കാനാവും എന്നതാണ് ഇതിന്‍റെ ഏറ്റവും വലിയ പ്രത്യേകത. വലിപ്പം കൂടിയ 6.65 ഇഞ്ച് ആമൊലെഡ് ഡിസ്പ്ലേയിലെ 90 ഹെര്‍ട്സ് റിഫ്രഷ് റെയ്റ്റും 2.5 ഡി കോര്ണിങ് ഗോറില്ലാ ഗ്ലാസും ഫോണിന്റെ ആകര്‍ഷണീയത വര്‍ധിപ്പിക്കുന്നു. സ്നാപ്ഡ്രാഗണ്‍ 855 പ്രോസസ്സര്, ഇരട്ട ഫ്രണ്ട് ഫെയ്സിങ് സ്റ്റീരിയോ സ്പീക്കറുകള്‍, 16.8 ദശലക്ഷം കളറുകളോടെ അത്യാകര്‍ഷകമായ കസ്റ്റമൈസ്ഡ് ആര്‍ജിബി ലൈറ്റിങ്, തടസം കൂടാതെ ഗെയിം ആസ്വദിക്കാനുള്ള നോട്ടിഫിക്കേഷന് ബ്ലോക്കിങ് എന്നിവയും റെഡ് മാജിക് 3 യിലുണ്ട്.
48 മെഗാ പിക്സലാണ് പിൻക്യാമറ, 16 മെഗാ പിക്സല്‍ മുൻക്യാമറയും. പിൻക്യാമറയുടെ 8 കെ ഫീച്ചര്‍ മങ്ങിയ വെളിച്ചത്തില്പോലും മിഴിവുറ്റ ഫോട്ടോകളും വീഡിയോകളും നല്‍കുന്നവയാണ്. സിനിമാറ്റിക് സൗണ്ട് ക്വാളിറ്റി നല്‍കുന്ന 3 ഡി സൗണ്ട് ടെക്നോളജി, ഹെഡ് ഫോണ് ഇല്ലാതെ തന്നെ അനുഭവവേദ്യമാകും എന്നതാണ് മറ്റൊരു സവിശേഷത. 215 ഗ്രാം തൂക്കമുള്ള ഫോണിന്റെ ഓപ്പറേറ്റിങ് സിസ്റ്റം ആന്ഡ്രോയ്ഡ് 9.1 ഓറിയോ ആണ്.
ഇയര്‍ ഫോണ്, ചാര്‍ജിങ് ഡോക്, ഗെയിം കണ്ട്രോളര്, പവര്‍ബാങ്ക് എന്നിവയും ഫോണിനൊപ്പം അവതരിപ്പിച്ചിട്ടുണ്ട്. സാധ്യമായതില്‍ ഏറ്റവും മികച്ച ഗെയ്മിങ് അനുഭവമായിരിക്കും റെഡ് മാജിക് നല്‍കുന്നതെന്ന് നിര്‍മാതാക്കള്‍ അവകാശപ്പെടുന്നു. 8 ജി ബി റാം 128 ജി ബി ഇന്‍റേണല്‍, 12 ജി ബി റാം 256 ജി ബി ഇന്‍റേണല്‍ വേരിയന്‍റുകളില്‍ ഫോണ് ലഭ്യമാണ്. 8128 വേര്‍ഷന് 35,999 രൂപയോളം വില വരും, 12256 വേര്‍ഷന് ഏതാണ്ട് 46,999 രൂപയും.
വാർത്തകൾ
Quick Links
Categories
Tags
Download Apps
