21
September 2019 - 8:17 am IST

Download Our Mobile App

Flash News
Archives

Mollywood

ശോഭായാത്രയിൽ ഭാരതാംബയായതിൽ രാഷ്ട്രീയമില്ലെന്ന് നടി അനുശ്രീ

Published:24 August 2019

ഇതിന് പിന്നില്‍ ഒരു രാഷ്ട്രീയവുമില്ലെന്നും എന്‍റെ നാടിന്‍റെ ആഘോഷത്തില്‍ ഭാഗമാവുകയാണെന്നും അനുശ്രീ ഫെയ്സ്ബുക്കിലൂടെ വ്യക്തമാക്കി. പത്തനാപുരം കമുകുംചേരിയിലാണ് അനുശ്രീ ശോഭായാത്രയിൽ പങ്കെടുത്തത്. 

കൊച്ചി: ശ്രീകൃഷ്ണ ജയന്തി ശോഭായാത്രയിൽ ഭാരതാംബയായി ചുവടുകള്‍ വച്ചതിൽ രാഷ്ട്രീയമില്ലെന്ന് നടി അനുശ്രീ. 
കൃഷ്ണന്‍മാര്‍ക്കും രാധമാര്‍ക്കുമൊപ്പം നൃത്തം ചെയ്യുന്ന താരത്തിന്‍റെ വീഡിയോയും സോഷ്യല്‍ മീഡിയയില്‍ വൈറലായിരുന്നു. ഇതിന് പിന്നില്‍ ഒരു രാഷ്ട്രീയവുമില്ലെന്നും എന്‍റെ നാടിന്‍റെ ആഘോഷത്തില്‍ ഭാഗമാവുകയാണെന്നും അനുശ്രീ ഫെയ്സ്ബുക്കിലൂടെ വ്യക്തമാക്കി. പത്തനാപുരം കമുകുംചേരിയിലാണ് അനുശ്രീ ശോഭായാത്രയിൽ പങ്കെടുത്തത്. 

 

അനുശ്രീ ഫെയ്സ്ബുക്ക് ലൈവില്‍ പറയുന്നത് ഇങ്ങനെയാണ്: നമസ്‌കാരം എല്ലാവര്‍ക്കും അറിയാം ഇന്ന് ശ്രീകൃഷ്ണ ജയന്തി ആണ്. ഈ വട്ടവും ഞാന്‍ നാട്ടിലുണ്ട്. അതുകൊണ്ടു ഞാന്‍ അതില്‍ ഭാരതാംബയായിട്ട് ഒരുങ്ങുന്നുണ്ട്. ഇനി ഞാന്‍ ലൈവില്‍ വന്ന കാര്യം പറയാം. ഞാന്‍ ഇത് ഒരു രാഷ്ട്രീയത്തിന്‍റെയും പുറത്ത് ചെയ്യുന്നതല്ല. ഈ കമുകുംചേരി എന്ന് പറയുന്ന നാട്ടില്‍ ജനിച്ചു വളര്‍ന്ന ആളാണ് ഞാന്‍. 

 

പണ്ടാണെങ്കിലും ഇപ്പോഴാണെങ്കിലും എപ്പോഴാണെങ്കിലും ശ്രീകൃഷ്ണജയന്തി എന്നൊക്കെ പറയുന്നത് ഞങ്ങള്‍ നാട്ടുകാരൊക്കെ ചേര്‍ന്ന് ആഘോഷിക്കുന്ന ഒന്നായി മാത്രമേ കണ്ടിട്ടുള്ളു. അമ്മമാരൊക്കെ അവരുടെ മക്കളെ മത്സരിച്ച് കൃഷ്ണനും രാധയുമൊക്കെ ആക്കുന്നത് കണ്ടാണ് ഞങ്ങള്‍ വളര്‍ന്നിട്ടുള്ളത്. ഞങ്ങളും അതില്‍ പെട്ട ആള്‍ക്കാരാണ്. അതുകൊണ്ടാണ് ഈ ഒരു ചടങ്ങിനും ആഘോഷത്തിനും ഞാന്‍ ഇവിടെ ഉള്ളതുകൊണ്ട് പങ്കാളി ആകുന്നത്.

ഒരിക്കലും ഒരു രാഷ്ട്രീയത്തിന്‍റെയും പേര് പറഞ്ഞു ആരും കമന്‍റുകളൊന്നും ഇടരുത്. ഈ നാട്ടില്‍ ജനിച്ചു വളര്‍ന്ന ഒരു കുട്ടി ഈ ആഘോഷങ്ങളുടെയൊക്കെ ഭാഗമാകുന്നു എന്ന രീതിയിലേ ഇതിനെ കാണാന്‍ പാടുള്ളൂ. ഞാന്‍ ഒരുങ്ങിയ വര്‍ഷമാണ് ഇതിനൊക്കെ രാഷ്ട്രീയ ചിന്തകള്‍ ഉണ്ടെന്ന് ഞാന്‍ കേട്ടത് പോലും. 

ശ്രീകൃഷ്ണജയന്തി എന്നല്ല ക്രിസ്തുമസ് ആണെങ്കിലും വേറെ എന്ത് ആഘോഷമാണെങ്കിലും ഞങ്ങള്‍ ഈ നാട്ടുകാരൊക്കെ ഇതിലെല്ലാം പങ്കെടുക്കാറുണ്ട്. കരോളിനൊക്കെ പോകാറുണ്ട്. എല്ലാവരുടെയും പരിപാടികള്‍ക്കും ഞങ്ങള്‍ പോകാറുണ്ട്. 
എല്ലാവരുടെയും പ്രാർഥനയും അനുഗ്രഹവും പോസറ്റീവ് സൈഡും മാത്രമേ എനിക്കിതില്‍ ആവശ്യമുള്ളൂ. അല്ലാതെ ഒരു രാഷ്ട്രീയ ചിന്തയും പറയരുത്. എന്‍റെ നാട്ടിലെ ഒരു പരിപാടിക്ക് ഞാന്‍ നാട്ടില്‍ ഉള്ള സമയമായതുകൊണ്ട് പങ്കെടുക്കുന്നു അത്രയേ ഉള്ളൂവെന്നും അനുശ്രീ.

 


വാർത്തകൾ

Sign up for Newsletter



top