25
February 2020 - 10:49 am IST

Download Our Mobile App

Flash News
Archives

Special

cat

മഞ്ഞിൽ ഉറഞ്ഞ് പൂച്ചക്കുഞ്ഞുങ്ങൾ, രക്ഷപ്പെടുത്താൻ യുവാവ് ചെയ്തത് കണ്ടോ ?

Published:28 January 2020

മഞ്ഞില്‍ വാലുകള്‍ ഉറച്ചുപോയ നിലയിലായിരുന്നു അവ. പൂച്ചക്കുഞ്ഞുങ്ങൾക്ക് ഒന്ന് അനങ്ങാൻ പോലും പറ്റാത്ത അവസ്ഥ.

മഞ്ഞിനുള്ളിൽ ഉറഞ്ഞുപോയ മൂന്നു പൂച്ചക്കുഞ്ഞുങ്ങളെ രക്ഷപ്പെടുത്തുന്ന വഴിയാത്രക്കാരന്‍റെ വിഡിയോയാണിപ്പോൾ സോഷ്യൽ മീഡിയയിൽ നിറഞ്ഞു നിൽക്കുന്നത്. കാനഡയിലാണ് സംഭവം. കെന്‍ഡാല്‍ ദിവിസ്‌ക് എന്ന യുവാവാണ് പൂച്ചക്കുഞ്ഞുങ്ങളെ രക്ഷിച്ചത്. ജനുവരി 22ന് ആല്‍ബെര്‍ട്ടയ്ക്ക് സമീപമുള്ള തൊമഹൗകിലെ ഒരു എണ്ണകിണർ പരിശോധിക്കാന്‍ എത്തിയതായിരുന്നു കെന്‍ഡാല്‍ ദിവികസ്‌ക് എന്ന യുവാവ്.

പോകുന്ന വഴിയില്‍ ഇരിക്കുന്ന മൂന്ന് പൂച്ചക്കുഞ്ഞുങ്ങളെ കണ്ട് കെന്‍ഡാല്‍ അവിടേക്ക് എത്തി. മഞ്ഞില്‍ വാലുകള്‍ ഉറച്ചുപോയ നിലയിലായിരുന്നു അവ. പൂച്ചക്കുഞ്ഞുങ്ങൾക്ക് ഒന്ന് അനങ്ങാൻ പോലും പറ്റാത്ത അവസ്ഥ. യുവാവ് വാഹനത്തിലിരുന്ന ഫ്ലാസ്‌കില്‍ നിന്നും ചൂടു കാപ്പി കൊണ്ടുവെന്ന് പൂച്ചകുഞ്ഞുങ്ങളുടെ വാലില്‍ ഒഴിച്ചു.

മഞ്ഞ് ഉരുകിത്തുടങ്ങിയതോടെ കെന്‍ഡാല്‍ അവയെ മഞ്ഞില്‍ നിന്ന് പൊക്കിയെടുക്കുകയായിരുന്നു. പൂച്ചക്കുഞ്ഞുങ്ങൾ ആ  ചൂടുകാപ്പി ആര്‍ത്തിയോടെ നക്കിതുടച്ചു. പൂച്ചക്കുഞ്ഞുങ്ങളെ യുവാവ് തന്‍റെ വീട്ടിലേക്ക് കൊണ്ടുപോയി ഭക്ഷണം നല്‍കി. കെന്‍ഡാല്‍ തന്നെയാണ് ഈ ചിത്രങ്ങളും വിഡിയോയും ഫെയ്‌സ്ബുക്കിലൂടെ പുറത്തുവിട്ടത്. ആരെങ്കിലും പൂച്ചക്കുഞ്ഞുങ്ങളെ ദത്തെടുക്കാന്‍ ആ​ഗ്രഹിക്കുന്നുണ്ടോയെന്നും യുവാവ് ഫെയ്സ്ബുക്കിൽ പോസ്റ്റിട്ടു. 

മൂന്നു പേരെയും ഒരുമിച്ച് സ്വീകരിക്കാന്‍ കഴിയണമെന്നും അവരെ ഒരിക്കലും വേര്‍പിരിക്കാന്‍ ആഗ്രഹിക്കുന്നില്ലെന്നും കെന്‍ഡാല്‍ വ്യക്തമാക്കിയിരുന്നു. ഇവർ മൂന്ന് പേരും ഭക്ഷണം കഴിച്ച് വളരെ സന്തോഷത്തോടെയാണ് ഇരിക്കുന്നതെന്നും കെന്‍ഡാല്‍ പോസ്റ്റ് ചെയ്തു. പൂച്ചക്കുഞ്ഞുങ്ങളെ രക്ഷിച്ച കെന്‍ഡാലിന് ഇപ്പോൾ സോഷ്യൽ മീഡിയയിൽ അഭിനന്ദന പ്രവാഹമാണ്.


വാർത്തകൾ

Sign up for Newsletter



top