Metro Vaartha Logo English | Malayalam | E-PAPER | ADVERTISE WITH US
07
December 2021 - 1:28 am IST

Download Our Mobile App

News Sports About Movies Business Viral Video Astro Lifestyle Columns Health Youth Woman

Fitness

woman_ties_workout_shoes_home.jpg

ശരീര ഭാരം കുറയ്ക്കാം ഇരുന്നു കൊണ്ട് തന്നെ

Published:06 September 2021

"സീറ്റഡ് കാര്‍ഡിയോ വ്യായാമം" ഇരുന്ന് കൊണ്ട് ചെയ്യാവുന്ന ഒരു കാര്‍ഡിയോ വ്യായാമം. നിങ്ങളില്‍ കുറച്ചു പേരെങ്കിലും ഇതിനെ കുറിച്ച് അറിയാമായിരിക്കും. കസേരയില്‍ ഇരുന്നുകൊണ്ട് ചെയ്യാവുന്ന സീറ്റഡ് കാര്‍ഡിയോ വ്യായാമത്തെ കുറിച്ച്  മനസ്സിലാക്കാം.

വണ്ണമുള്ളവര്‍ ഒരിക്കലെങ്കിലും ശ്രമിച്ചിട്ടുള്ള കാര്യമാണ് ശരീരഭാരം കുറക്കുക എന്നത് ഇതിന് ഒരു എളുപ്പ വഴി നമുക്ക് പരിചയപ്പെടാം."സീറ്റഡ് കാര്‍ഡിയോ വ്യായാമം" ഇരുന്ന് കൊണ്ട്  തന്നെ ചെയ്യാമെന്നതാണ്  ഒരു കാര്‍ഡിയോ വ്യായാമം. കസേരയില്‍ ഇരുന്നുകൊണ്ട് തന്നെ ചെയ്യാമെന്നതാണ് ഏറ്റവും വലിയ പ്രത്യേകത

കാര്‍ഡിയോ വ്യായാമം തുടങ്ങുന്നതിനു മുമ്പ് ശ്രദ്ധിക്കേണ്ട ചില കാര്യങ്ങള്‍

  • വ്യായാമം തുടങ്ങിയാല്‍ ഇടക്ക് വെച്ച് നിര്‍ത്താതിരിക്കാന്‍ ശ്രദ്ധിക്കുക, അതായത് വ്യായാമത്തിനായി കൃത്യമായ സമയം മാറ്റിവെച്ച് തുടങ്ങാം.
  • ഓരോ വ്യായാമവും ഒരു മിനിറ്റ് നേരത്തേക്ക് ചെയ്യണം.
  • നിങ്ങള്‍ക്ക് ശരിയായി വളയാനും കുനിയാനും അനുയോജ്യമായ വസ്ത്രം ധരിക്കുക, കാലില്‍ ധരിക്കാന്‍ സോക്‌സോ ഷൂസോ ഉപയോഗിക്കാം.
  • നിങ്ങള്‍ ഇരിക്കുന്നിടം (കസേര, സോഫ) ഉറച്ച അടിത്തറയുള്ളാതാണോയെന്ന് ഉറപ്പാക്കുക. ഇത് സ്വയം സന്തുലിതമാകാന്‍ നിങ്ങളെ സഹായിക്കും.
  • ആവശ്യമെങ്കില്‍ സമയം നോക്കാന്‍ ഒരു സ്റ്റോപ്പ് വാച്ച് കരുതാം.

ഇരുന്നുകൊണ്ട് ചെയ്യുന്ന കാര്‍ഡിയോ വ്യായാമം ഹൃദയമിടിപ്പ് വര്‍ദ്ധിപ്പിക്കുകയും വളരെയധികം കലോറി ഇല്ലാതാക്കാനും സഹായിക്കും 

ഇരുന്നുകൊണ്ടുള്ള കാര്‍ഡിയോ വ്യായാമം നോക്കാം 

  • സീറ്റഡ് ബെന്‍ഡ് : നിങ്ങളുടെ കസേരയില്‍ ഇരിക്കുക, കൈകള്‍ മുകളിലേക്ക് നീട്ടി, നിങ്ങളുടെ അരയ്ക്ക് മേല്‍പ്പൊട്ടുള്ള ശരീരം മുമ്പോട്ട് വളച്ച് കുനിയുക. നിങ്ങളുടെ കാല്‍വിരലുകളില്‍ സ്പര്‍ശിച്ച് മുകളിലേക്ക് വരാന്‍ ശ്രമിക്കുക. ശരിക്കും വേഗത്തില്‍ ചെയ്യുക. നിങ്ങള്‍ താഴേക്കിറങ്ങുമ്പോള്‍ ശ്വാസം പുറത്തേക്ക് വിടുക, മുകളിലേക്ക് വരുമ്പോള്‍ ശ്വാസം എടുക്കുക.
  • സീറ്റഡ് ലെഗ് റൈസ്: നിങ്ങളുടെ കസേരയുടെ കൈയില്‍ പിടിക്കുക അല്ലെങ്കില്‍ അത് ഒരു സോഫയാണെങ്കില്‍, സീറ്റ് പിടിക്കുക, ശരീരത്തിന്റെ നടുഭാഗം നേരെ വയ്ക്കുക, കാലുകള്‍ മുകളിലേക്ക് ഉയര്‍ത്തുക. ഇത് നിങ്ങളുടെ മുകളിലെ ശരീരവുമായി ഏകദേശം 90 ഡിഗ്രി കോണിലായിക്കഴിഞ്ഞാല്‍, കാലുകള്‍ താഴേക്ക് കൊണ്ടുവരിക. നിങ്ങളുടെ കാലുകള്‍ മുകളിലേക്ക് ഉയര്‍ത്തുമ്പോള്‍ ശ്വസിക്കുകയും താഴേക്ക് കൊണ്ടുവരുമ്പോള്‍ ശ്വാസം പുറത്തേക്ക് കളയുകയും ചെയ്യുക.
  • സീറ്റഡ് ജാക്ക്: കസേരയില്‍ നേരെ ഇരിക്കുക, നിങ്ങള്‍ ജമ്പിംഗ് ജാക്കുകള്‍ ചെയ്യുന്നതുപോലെ അതേ നീക്കം നടത്തുക. നിങ്ങളുടെ കാലുകളും കൈകളും അതിനനുസരിച്ച് ഇരുന്നുകൊണ്ട് ചലിപ്പിക്കാം. ഇത് കുറഞ്ഞ തീവ്രതയുള്ള വ്യായാമമാണ്, അതിനാല്‍ നിങ്ങളുടെ കാല്‍മുട്ടുകള്‍ക്കും ദോഷം ചെയ്യില്ല. നിങ്ങളുടെ പാദങ്ങള്‍ നീട്ടിക്കൊണ്ട് ശ്വാസം പുറത്തേക്ക് കളയുക, അവ തിരികെ കൊണ്ടുവരുമ്പോള്‍ ശ്വാസം എടുക്കുക.
  • സീറ്റഡ് ക്രോസ്: നിങ്ങളുടെ തലയില്‍ കൈ വയ്ക്കുക, നിങ്ങളുടെ വലതു കാല്‍ വളച്ച് കാല്‍മുട്ട് ഉയര്‍ത്തുക, ഒരേസമയം മുന്നോട്ട് കുനിയുക, ഇടത് കൈയുടെ കൈമുട്ട് നിങ്ങളുടെ വലത് കാല്‍മുട്ടിന് തൊടുക. ശേഷം, ഇടത് കാലും വലതു കൈമുട്ടും ഉപയോഗിച്ച് ഇത് ചെയ്യുക. ഓരോ വശവും ഇടവിട്ട് ആവര്‍ത്തിച്ച് വേഗത്തില്‍ ചെയ്യുക.

ഇനി ഒരു മിനിറ്റ് വിശ്രമിക്കുക.

  • ഹൈ നീസ്: കസേരയില്‍ നേരെ ഇരിക്കുക, കൈകള്‍ കസേരയുടെ വശങ്ങളില്‍ പിടിക്കുക, കാല്‍മുട്ടുകള്‍ വളയ്ക്കുക, ഇനി നിങ്ങളുടെ കാല്‍മുട്ടുകള്‍ വേഗത്തില്‍ ഉയര്‍ത്തുക.
  • സീറ്റഡ് ട്വിസ്റ്റ്: നിങ്ങളുടെ കൈകള്‍ തലയുടെ പിന്‍ഭാഗത്ത് വയ്ക്കുക, നിങ്ങളുടെ കാലുകള്‍ നിലത്ത് ഉറപ്പിക്കുക. ഇനി, നിങ്ങളുടെ അരയ്ക്ക് മേല്‍പ്പൊട്ടുള്ള ശരീരം കഴിയുന്നത്ര വേഗത്തില്‍ ഓരോ വശങ്ങളിലേക്ക് തിരിക്കുക.
  • ചെയര്‍ റണ്ണിങ്: കാലുകള്‍ നീട്ടി, കാല്‍വിരലുകള്‍ ചൂണ്ടിക്കൊണ്ട്, കൈകള്‍ വശങ്ങളിലേക്ക് വളച്ച് ഇരിക്കുക. നിങ്ങളുടെ തോളുകള്‍ കസേരയുടെ പിന്‍ഭാഗത്ത് ലഘുവായി സ്പര്‍ശിക്കുന്നതുവരെ ആബ്സ് മുറുകെപ്പിടിക്കുക. നിങ്ങളുടെ ഇടത് കാല്‍മുട്ട് നെഞ്ചിലേക്ക് വളച്ച്, നിങ്ങളുടെ വലതു തോള്‍ കാല്‍മുട്ടിന് നേരെ തിരിയുക, ഇടത് കൈമുട്ട് ചെറുതായി പിന്നിലേക്ക് വലിക്കുക, തുടര്‍ന്ന് വേഗത്തില്‍ വശങ്ങള്‍ മാറുക.
  • സീറ്റഡ് ലെഗ് പ്രസ്സ്: നിങ്ങളുടെ കസേരയുടെ / സോഫയുടെ ഇരിപ്പിടം പിടിക്കുക, കാലുകള്‍ ഉയര്‍ത്തി നേരെയാക്കുക. ഇനി, കാല്‍മുട്ടുകള്‍ വളച്ച് കാലുകള്‍ നെഞ്ചിലേക്ക് അടുപ്പിക്കുക. അവ നേരെയാക്കി വീണ്ടും അതുപോലെ ആവര്‍ത്തിക്കുക.
  • ചെയര്‍ ഹോള്‍ഡ്: നിങ്ങളുടെ അരയ്ക്ക് മുകള്‍ഭാഗം നേരെ വയ്ക്കുക, കാലുകള്‍ മുകളിലേക്ക് നീട്ടുക, കാലുകള്‍ നിങ്ങള്‍ക്ക് കഴിയുന്നത്ര ഉയര്‍ത്തി പിടിക്കുക.

ഇരുന്നുകൊണ്ടുള്ള നിങ്ങളുടെ കാര്‍ഡിയോ വ്യായാമം പൂര്‍ത്തിയാക്കിയിരിക്കുന്നു.


വാർത്തകൾ

വാർത്തകൾ

Sign up for Newsletter



Copyright ©
All rights reserved by Metrovaartha.com
top