17
October 2021 - 9:44 pm IST

Download Our Mobile App

Flash News
Archives

Pravasi

cyclon

ഷഹീൻ ചുഴലിക്കാറ്റ്: ഒമാനിൽ രണ്ട് ദിവസം പൊതു അവധി

Published:03 October 2021

കാറ്റ് നേരിട്ട് ആഘാതമുണ്ടാകുമെന്ന് പ്രതീക്ഷിക്കപ്പെടുന്ന പ്രദേശങ്ങളിലുള്ളവര്‍ വീടുകളില്‍ നിന്ന് അടുത്ത ഷെല്‍ട്ടറുകളിലേക്ക് മാറ്റി താമസിപ്പിച്ചിരിക്കുകയാണ്. 

ഒമാന്‍: ഷഹീൻ ചുഴലിക്കാറ്റിന്‍റെ പശ്ചാത്തലത്തില്‍ ഒമാനിൽ രണ്ട് ദിവസത്തെ പൊതു അവധി പ്രഖ്യാപിച്ചു. ഞായര്‍, തിങ്കള്‍ ദിവസങ്ങളിലാണ് രാജ്യത്ത് അവധി പ്രഖ്യാപിച്ചിരിക്കുന്നത്. കാറ്റ് നേരിട്ട് ആഘാതമുണ്ടാകുമെന്ന് പ്രതീക്ഷിക്കപ്പെടുന്ന പ്രദേശങ്ങളിലുള്ളവര്‍ വീടുകളില്‍ നിന്ന് അടുത്ത ഷെല്‍ട്ടറുകളിലേക്ക് മാറ്റി താമസിപ്പിച്ചിരിക്കുകയാണ്. 

ബര്‍ക്ക, സഹം വിലായത്തുകളിലും മസ്‍കത്ത്, ദക്ഷിണ ശര്‍ഖിയ ഗവര്‍ണറേറ്റുകളിലെ തീര പ്രദേശങ്ങളില്‍ താമസിക്കുന്നവരെയാണ് തൊട്ടടുത്ത സര്‍ക്കാര്‍ ഷെര്‍ട്ടറുകളിലേക്ക് മാറ്റി താമസിപ്പിച്ചിരിക്കുന്നത് ഷഹീന്‍ ചുഴലിക്കാറ്റിനെ തുടര്‍ന്ന് ഇന്ന് മുതല്‍ ഒമാനില്‍ കനത്ത മഴയുണ്ടാകുമെന്ന് പ്രതീക്ഷിക്കുന്നത് . നാഷണല്‍ കമ്മിറ്റി ഫോര്‍ എമര്‍ജന്‍സി മാനേജ്‍മെന്‍റ് ആണ് ഇക്കാര്യം അറിയിച്ചത്. 48 മണിക്കൂറിനിടെ 200 മുതല്‍ 500 മില്ലീമീറ്റര്‍ മഴ പെയ്യുമെന്നാണ് പ്രതീക്ഷിക്കുന്നത്.

ഒമാനില്‍ ഷഹീന്‍ ചുഴലിക്കാറ്റ് മുന്നറിയിപ്പ് നല്‍കിയ പശ്ചാത്തലത്തില്‍ നാളെ മുതൽ ബസ്‍, ഫെറി സര്‍വീസുകള്‍ താൽക്കാലികമായി നിർത്തിവയ്ക്കും.ബസ്, ഫെറി സർവീസുകൾ നിർത്തവയ്ക്കുമെന്ന് ദേശീയ ഗതാഗത കമ്പനിയായ മവാസലാത്ത് അറിയിച്ചു. രാജ്യത്തെ എല്ലാ ഗവര്‍ണറേറ്റുകളിലും നിയന്ത്രണം ബാധകമാണ്. ഷഹിൻ ചുഴലിക്കാറ്റ് സംബന്ധിച്ച മുന്നറിയിപ്പ് പുറപ്പെടുവിച്ച സാഹചര്യത്തില്‍ അടിയന്തര നടപടികളുമായി ദേശീയ ദുരന്ത നിവാരണ സമിതി

കടലില്‍ എട്ട് മുതല്‍ 12 മീറ്റര്‍ വരെ ഉയരത്തില്‍ തിരയടിക്കും. അടിയന്തര സാഹചര്യങ്ങളില്‍ ജനങ്ങള്‍ക്ക് 9999 എന്ന നമ്പറില്‍ റോയല്‍ ഒമാന്‍ പൊലീസിനെയും 1111 എന്ന നമ്പറില്‍ മസ്‍കത്ത് മുനിസിപ്പാലിറ്റി കോള്‍ സെന്‍ററിലും ബന്ധപ്പെടാം. ഫോണ്‍ – 24521666. ദേശീയ ദുരന്ത നിവാരണ സമിതിയിലും പ്രത്യേക ഇന്‍ഫര്‍മേഷന്‍ സെന്‍റര്‍ തുടങ്ങിയിട്ടുണ്ട്.ചുഴലിക്കാറ്റ് മുന്നറിയിപ്പിന്‍റെ പശ്ചാത്തലത്തില്‍ രാജ്യത്ത് ഞായര്‍, തിങ്കള്‍ ദിവസങ്ങളില്‍ സ്വകാര്യ മേഖലയ്‍ക്ക് ഉള്‍പ്പെടെ പൊതു അവധി പ്രഖ്യാപിച്ചിരിക്കുകയാണ്. ബസ്‍, ഫെറി സര്‍വീസുകള്‍ നിര്‍ത്തിവെയ്‍ക്കുന്നതായി ദേശീയ ഗതാഗത കമ്പനിയായ മവാസലാത്തും അറിയിച്ചിട്ടുണ്ട്. 


വാർത്തകൾ

Sign up for Newsletter



top