May 2022 - 1:30 am IST
Download Our Mobile App
- സ്വര്‍ണവില വര്‍ധിച്ചു; പവന് 37,040 രൂപയായി |
- തൃശൂർ പൂരം വെടിക്കെട്ട് ഇന്ന് ഉച്ചയ്ക്ക് |
- സംസ്ഥാനത്ത് 10 ദിവസത്തിനുള്ളിൽ പെയ്തത് നാലിരട്ടി മഴ; ഏറ്റവും കൂടുതൽ മഴ പെയ്തത് എറണാകുളത്ത് |
- പാലക്കാട് പൊലീസുകാർ മരിച്ച സംഭവത്തിൽ കസ്റ്റഡിയിലുള്ളവർ വനംവകുപ്പ് കേസിലെ പ്രതികൾ |
- ജമ്മുകശ്മീരിൽ നിർമ്മാണത്തിലിരുന്ന തുരങ്കം തകർന്നു; 10 തൊഴിലാളികളെ കാണാതായി; നിരവധി പേർക്ക് പരിക്ക് |
- ലാലു പ്രസാദ് യാദവിന്‍റെ വീട്ടില്‍ സിബിഐ റെയ്ഡ്; റെയില്‍വേയില്‍ ജോലിക്കു പകരം ഭൂമി സ്വന്തമാക്കി; പുതിയ കേസ് |
- 'മൃതദേഹങ്ങൾ ചുമന്ന് പാടത്ത് കൊണ്ടുപോയി ഉപേക്ഷിച്ചു; ഫോൺ ക്യാമ്പിനു അടുത്ത് കൊണ്ടിട്ടു'; പൊലീസുകാർ മരിച്ച സംഭവത്തിൽ പന്നിക്കെണി വെച്ചയാൾ അറസ്റ്റിൽ |
- കാത്തിരുപ്പിനോടുവിൽ തൃശൂർ പൂരം വെടിക്കെട്ട് ..!! |
- കൊച്ചിയിൽ 1500 കോടി രൂപയുടെ വന്‍ മയക്കുമരുന്ന് വേട്ട |
- പട്ടികജാതി, പട്ടികവർഗക്കാർക്ക് സിവിൽ സർവീസ് പരീക്ഷാ പരിശീലനം: ലക്ഷ്യ സ്കോളർഷിപ്പിന് അപേക്ഷിക്കാം |
തൃശൂർ പൂരം വെടിക്കെട്ട് ഇന്ന് ഉച്ചയ്ക്ക്
580 വര്‍ഷത്തിന് ശേഷം ഏറ്റവും ദൈര്‍ഘ്യമേറിയ അര്‍ധ ചന്ദ്രഗ്രഹണം; അറിഞ്ഞിരിക്കെണ്ട ചില കാരൃങ്ങൾ
Published:19 November 2021
580 വര്‍ഷത്തിന് ശേഷം ഏറ്റവും ദൈര്‍ഘ്യമേറിയ അര്‍ധ ചന്ദ്രഗ്രഹണത്തിന് സാക്ഷ്യം വഹിച്ച് ലോകം. ഇന്ന് വെള്ളിയാഴ്ച നടക്കുന്ന ഈ ആകാശ പ്രതിഭാസം ആറ് മണിക്കൂര്‍ നീണ്ട് നില്‍ക്കുമെന്നാണ് റിപ്പോര്‍ട്ട്.
ഫെബ്രുവരി 18,1440-ലാണ് ഇത്ര ദൈര്‍ഘ്യമേറിയ അര്‍ധ ചന്ദ്രഗ്രണം അവസാനമായി ഉണ്ടായത്. നൂറ്റാണ്ടുകള്‍ക്കിപ്പുറം ഇന്ന് ആറ് മണിക്കൂര്‍ ഉണ്ടാകുന്ന അര്‍ധ ചന്ദ്രഗ്രഹണം കാണാനുള്ള ആവേശത്തിലാണ് വാനനിരീക്ഷകര്‍. ഭൂമിയുടെ നിഴല്‍ സൂര്യപ്രകാശത്തെ തടയുമ്പോഴാണ് ചന്ദ്രഗ്രഹണം നടക്കുക. സൂര്യനും ഭൂമിയും ചന്ദ്രനും അപൂര്‍ണമായി വ്യന്യസിക്കുമ്പോളാണ് അല്പ ഛായയുള്ള ചന്ദ്രഗ്രഹണം സംഭവിക്കുക. അപ്പോള്‍ സൂര്യ രശ്മികള്‍ ചന്ദ്രന് മേല്‍ പതിക്കുന്നത് ഭൂമി തടയുകയും ചന്ദ്രനെ മൊത്തമായോ ഭാഗികമായോ നിഴല്‍ കൊണ്ട് മറക്കുകയും ചെയ്യും.
ഇന്ത്യന്‍ സമയം ഉച്ചയ്ക്ക് 2.34ന് ഈ പ്രതിഭാസം കാണാന്‍ സാധിക്കുമെന്നാണ് റിപ്പോര്‍ട്ട്. ചന്ദ്രഗ്രഹണ സമയത്ത് ചന്ദ്രന്റെ നിറം ചുവപ്പായിരിക്കും. അരുണാചല്‍ പ്രദേശ്, അസം എന്നീ സംസ്ഥാനങ്ങളില്‍ നിന്ന് ഈ പ്രതിഭാസം കാണാന്‍ സാധിക്കുമെന്ന് എം.പി ബിര്‍ള പ്ലാനറ്റേറിയം ഡയറക്ടര്‍ ദേബിപ്രസാദ് ദ്വാരി അറിയിച്ചു. ഇനി ഈ പ്രതിഭാസം സംഭവിക്കുക 2489 ഒക്ടോബര്‍ 9 നായിരിക്കും.
ഏറ്റവും നന്നായി നവംബര്‍ 19ന് ചന്ദ്രഗ്രഹണം കാണാന്‍ സാധിക്കുന്ന ഇടങ്ങള്‍ വടക്കേ അമേരിക്കയും തെക്കേ അമേരിക്കയുമാണെന്നാണ് ശാസ്ത്രജ്ഞര്‍ പറയുന്നത്. നാസയുടെ കണക്കുകള്‍ പ്രകാരം 21-ാം നൂറ്റാണ്ടില്‍ മൊത്തം 228 ചന്ദ്രഗ്രഹണങ്ങള്‍ ഉണ്ടാകുമെന്നാണ് പ്രവചിക്കപ്പെട്ടിരിക്കുന്നത്. ഒരു വര്‍ഷത്തില്‍ പരമാവധി മൂന്ന് തവണ ചന്ദ്രഗ്രഹണം സംഭവിക്കാമെന്നാണ് നാസയുടെ പ്രവചനം.
ഓരോ ഗ്രഹണ സമയത്തും ഭൂമിയിൽ പലവിധ മാറ്റങ്ങൾ നടക്കുമെന്നാണ് പറയപ്പെടുന്നത്. ചന്ദ്രഗ്രഹണവുമായി ബന്ധപ്പെട്ട് ഇപ്പോഴും നിരവധി വിശ്വാസങ്ങൾ ഇന്ത്യയിൽ നിലനിൽക്കുന്നുണ്ട്. ഈ സമയത്ത് ചെയ്യാൻ പാടില്ലാത്തതും ചെയ്യേണ്ടതുമായ നിരവധി കാര്യങ്ങളുമുണ്ടെന്നാണ് പറയപ്പെടുന്നത്. എന്നാൽ ഇതുമായി ബന്ധപ്പെട്ട ശാസ്ത്രീയ തെളിവുകളൊന്നുമില്ല.
ചന്ദ്രഗ്രഹണ സമയത്ത് എന്തൊക്കെ കാര്യങ്ങൾ ശ്രദ്ധിക്കണം...
- ഗ്രഹണസമയത്ത് മൂർച്ചയുള്ള വസ്തുക്കൾ ഉപയോഗിക്കുന്നത് ഒഴിവാക്കുക.
- ഈ സമയം ഭക്ഷണം കഴിക്കാൻ പാടില്ല. ഗ്രഹണത്തിന് മുൻപോ ശേഷമോ ഭക്ഷണം കഴിക്കുന്നതാണ് അനയോജ്യം.
- ഗർഭിണികൾ ഗ്രഹണ സമയത്ത് പുറത്തിറങ്ങാൻ പാടില്ലെന്നതാണ് മറ്റൊരു വിശ്വാസം.
- ചന്ദ്രഗ്രഹണത്തിന്‍റെ എല്ലാ ഘട്ടങ്ങളും നഗ്നനേത്രങ്ങളോടെ നോക്കാം
- ഗ്രഹണ സമയത്ത് ഉറങ്ങാൻ പാടില്ലെന്ന് പറയപ്പെടുന്നു
ഈ വര്‍ഷം മെയ് 26 ന് ഉണ്ടായ 'സൂപ്പര്‍ ഫ്‌ളവര്‍ ബ്ലഡ് മൂണ്‍' ആയിരുന്നു അവസാനത്തെ ചന്ദ്രഗ്രഹണം. സൂര്യനും ചന്ദ്രനുമിടയിലായി ഭൂമി നേര്‍ രേഖയില്‍ വരുമ്പോഴുള്ള പൂര്‍ണ്ണ ചന്ദ്രഗ്രഹണമായിരുന്നു അത്.
വാർത്തകൾ
വാർത്തകൾ
Sign up for Newsletter
All rights reserved by Metrovaartha.com
Quick Links
Categories
Tags
Download Apps
