Metro Vaartha Logo English | Malayalam | E-PAPER | ADVERTISE WITH US
27
January 2022 - 11:24 am IST

Download Our Mobile App

News Sports About Movies Business Viral Video Astro Lifestyle Columns Health Youth Woman

Crime

ഹോംസ്റ്റേയിൽ കഞ്ചാവ് ചെടി വളർത്തിയ വിദേശികൾക്ക് നാല് വർഷം കഠിനതടവ്

Published:26 November 2021

ഹോംസ്റ്റേയില്‍ കഞ്ചാവുചെടി വളര്‍ത്തിയ കേസില്‍ വനിതയടക്കം രണ്ട് വിദേശികള്‍ക്ക് നാല് വര്‍ഷം കഠിന തടവും ഒരു ലക്ഷം രൂപ പിഴയും ശിക്ഷ.ഇവരുടെ പക്കല്‍ നിന്ന് ഹാശിഷ് ഓയിലും ഉണക്ക കഞ്ചാവും കണ്ടെത്തിയിരുന്നു

തൊടുപുഴ: ഹോംസ്റ്റേയില്‍ കഞ്ചാവുചെടി വളര്‍ത്തിയ കേസില്‍ വനിതയടക്കം രണ്ട് വിദേശികള്‍ക്ക് നാല് വര്‍ഷം കഠിന തടവും ഒരു ലക്ഷം രൂപ പിഴയും ശിക്ഷ.ഇവരുടെ പക്കല്‍ നിന്ന് ഹാശിഷ് ഓയിലും ഉണക്ക കഞ്ചാവും കണ്ടെത്തിയിരുന്നു. കുമളിയിലെ ക്രിസീസ് എന്ന ഹോംസ്റ്റേ നടത്തുന്ന ഈജിപ്ഷ്യന്‍ പൗരന്‍ മുഹമ്മദ് ആദില്‍ മുഹമ്മദ് (53), കൂടെ താമസിച്ചിരുന്ന ജര്‍മന്‍കാരിയായ ഉള്‍റിക് റിക്ടര്‍ (39) എന്നിവരെയാണ് കുറ്റക്കാരെന്ന് കണ്ട് തൊടുപുഴ എന്‍.ഡി.പി.എസ് കോടതി ശിക്ഷിച്ചത്. ജഡ്ജി ജി. അനിലാണ് ശിക്ഷ വിധിച്ചത്. പിഴ അടച്ചില്ലെങ്കില്‍ ഒരു വര്‍ഷം അധികം തടവ് അനുഭവിക്കണം. 2016 ഡിസംബര്‍ 30നാണ് ഇവര്‍ പിടിയിലാകുന്നത്.

രഹസ്യ വിവരത്തിന്‍റെ അടിസ്ഥാനത്തില്‍ അന്ന് പീരുമേട് എക്സൈസ് സര്‍ക്കിള്‍ ഇന്‍സ്പെക്ടറായിരുന്ന വി.എ. സലീമിന്‍റെ നേതൃത്വത്തിലായിരുന്നു പരിശോധന നടത്തിയത്. ഇവരുടെ റൂമിന്‍റെ സമീപത്ത് നിന്ന് ചെടിച്ചട്ടിയില്‍ പരിപാലിക്കുന്ന നിലയില്‍ അഞ്ച് കഞ്ചാവുചെടികള്‍ കണ്ടെത്തി. കൂടാതെ 90 ഗ്രാം വീതം ഹാഷിഷ് ഓയിലും ഉണക്ക കഞ്ചാവും മുറിയിലുണ്ടായിരുന്നു. അസി. കമ്മിഷണര്‍ ജി. പ്രദീപ് കുമാറാണ് കുറ്റപത്രം സമര്‍പ്പിച്ചത്. പ്രതികളുടെ മുറിയുടെ സമീപത്ത് വളരെ രഹസ്യമായാണ് കഞ്ചാവ് ചെടികള്‍ വളര്‍ത്തിയതെന്നും വിദേശ വിനോദ സഞ്ചാരികളെ ആകര്‍ഷിക്കുകയായിരുന്നു ഇവരുടെ ലക്ഷ്യമെന്നും പ്രോസിക്യൂഷന്‍ വാദിച്ചു. ഈ വാദം അംഗീകരിച്ച കോടതി പ്രതികള്‍ കുറ്റക്കാരാണെന്ന് കണ്ടെത്തുകയായിരുന്നു


വാർത്തകൾ

വാർത്തകൾ

Sign up for Newsletter



Copyright ©
All rights reserved by Metrovaartha.com
top