ദുബായ്: ദുബായിലെ ജനറൽ ഡയറക്റ്ററേറ്റ് ഓഫ് ഐഡന്‍റിറ്റി ആൻഡ് ഫോറിനേഴ്സ് അഫയേഴ്സിലെ മുതിർന്ന ഓഫീസർമാർക്കും നോൺ - കമ്മീഷൻഡ് ഓഫീസർമാർക്കും മറ്റ് ഉദ്യോഗസ്ഥർക്കും സ്ഥാനക്കയറ്റം നൽകിയ യുഎഇ വൈസ് പ്രസിഡന്‍റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന് നന്ദി അറിയിച്ച് ജിഡിആർഎഫ്എ ദുബായ് മേധാവി ലഫ്റ്റനന്‍റ് ജനറൽ മുഹമ്മദ് അഹമ്മദ് അൽ മർറി.

ദുബായിലെ പൊതുസുരക്ഷാ സ്ഥാപനങ്ങളിലെ 6,247 ഉദ്യോഗസ്ഥരുടെ സ്ഥാനക്കയറ്റത്തിനാണ് ഷെയ്ഖ് മുഹമ്മദ് അംഗീകാരം നൽകിയത്.

ദുബായിലെ സ്റ്റേറ്റ് സെക്യൂരിറ്റി ഡിപ്പാർട്ട്‌മെന്‍റ്, ദുബായ് പൊലീസ്, ജനറൽ ഡയറക്റ്ററേറ്റ് ഓഫ് ഐഡന്‍റിറ്റി ആൻഡ് ഫോറിനേഴ്‌സ് അഫയേഴ്‌സ്, ദുബായ് സിവിൽ ഡിഫൻസ് എന്നിവയിലെ ഉദ്യോഗസ്ഥരും ഇതിൽ ഉൾപ്പെടുന്നു. സ്ഥാനക്കയറ്റം ലഭിച്ച എല്ലാ സഹപ്രവർത്തകർക്കും അൽ മർറി അഭിനന്ദനങ്ങൾ അറിയിച്ചു.