ചെറുനാരങ്ങ ഇനി മാസങ്ങളോളം കേടാകാതെ സൂക്ഷിക്കാം

അടുക്കളയിൽ‌ പ്രത്യേക സ്ഥാനം ലഭിച്ചിട്ടുണ്ട് ചെറുനാരങ്ങയ്ക്ക്. ഭക്ഷണ വിഭവങ്ങൾക്ക് പ്രത്യേക രുചിയും മണവും നൽകുന്നതോടൊപ്പം ശരീരത്തിന് ആവശ്യമായ വൈറ്റമിൻ സിയും ഇതിൽ അടങ്ങിയിട്ടുണ്ട്. എന്നാൽ, ശരിയായ രീതിയിൽ സൂക്ഷിച്ചില്ലെങ്കിൽ പെട്ടന്നു തന്നെ ഇവ കേടായിപ്പോകുന്നു. അതിനാൽ പുതുമ നിലനിർത്തിക്കൊണ്ട് പ്രകൃതിദത്തമായ രീതിയിൽ തന്നെ ചെറുനാരങ്ങ എങ്ങനെ സൂക്ഷിക്കാം എന്നു നോക്കാം...

1. ഫ്രിഡ്ജിൽ സൂക്ഷിക്കാം

ചെറുനാരങ്ങ വൃത്തിയായി കഴുകി തുടച്ച് ലോക്ക് ബാഗിലോ, എയർടൈറ്റ് കണ്ടെയ്നറിലോ വെജിറ്റബിൾ ട്രേയിലോ വയ്ക്കുക. മൂന്നോ നാലോ ദിവസം ചെറുനാരങ്ങ കേടാവാതെ സൂക്ഷിക്കാൻ ഇതുമതിയാകും.

2. ഉപ്പുവെളളത്തിൽ മുക്കി സൂക്ഷിക്കുക

തിളപ്പിച്ച വെളളം തണുപ്പിച്ച് ഉപ്പ് ചേർത്ത് മുഴുവൻ നാരങ്ങയും മുക്കി ഗ്ലാസ് ജാറിൽ സൂക്ഷിക്കുക. ഇങ്ങനെ ചെയ്താൽ രണ്ട് മാസത്തോളം കേടാവാതിരിക്കും.

3. ഫ്രീസിങ്

നാരങ്ങ പിഴിഞ്ഞ് ജ്യൂസ് രൂപത്തിലാക്കി ഐസ് ട്രേയിൽ ഒഴിച്ച് ഫ്രീസ് ചെയ്യുക. ആവശ്യ സമയത്ത് ഐസ് ക്യൂബ് പോലെ ഉപയോഗിക്കാം. ചെറുനാരങ്ങയുടെ തൊലിയും ഫ്രീസ് ചെയ്ത് സൂക്ഷിക്കാവുന്നതാണ്.

4. വെളിച്ചെണ്ണ പ്രയോഗം

‌മുഴുവൻ ചെറുനാരങ്ങയിലും വെളിച്ചെണ്ണ പുരട്ടി ഫ്രിഡ്ജിൽ സൂക്ഷിച്ചാൽ അത് മാസങ്ങളോളം കേടാവാതെ സൂക്ഷിക്കാം.

5. മുറിച്ച വച്ച നാരങ്ങയും സംരക്ഷിക്കാം

മുറിച്ച ചെറുനാരങ്ങയുടെ തുറന്ന ഭാഗം പ്ലാസ്റ്റിക് റാപ്പ് കൊണ്ട് പൊതിഞ്ഞ് ഫ്രിഡ്ജിൽ വയ്ക്കുക.