കൊച്ചി : നിസാന്റെ ബി-എസ്യുവി മോഡലായ മാഗ്നൈറ്റ് സ്പെഷ്യല് എഡിഷന് ഗെസ്സയുടെ വില പ്രഖ്യാപിച്ചു.
പ്രീമിയം ഓഡിയോ, ഇന്ഫോടൈന്മെന്റ് സവിശേഷതകളുമായെത്തുന്ന ഗെസ്സ സ്പെഷ്യല് എഡിഷന് 7.39 ലക്ഷം രൂപ മുതലാണു വില. നേരത്തെ തന്നെ ബുക്കിങ് ആരംഭിച്ച നിസാന് മാഗ്നൈറ്റ് ഗെസ്സ ഇന്ത്യയിലെ എല്ലാ നിസാന് ഷോറൂമുകളിലും 11,000 രൂപയടച്ച് ബുക്ക് ചെയ്യാം.
ഹൈ-റെസല്യൂഷന് 22.86 സി.എം ടച്ച്സ്ക്രീന്, വയര്ലെസ് കണക്റ്റിവിറ്റിയുള്ള ആന്ഡ്രോയിഡ് കാര്പ്ലേ, പ്രീമിയം ജെബിഎല് സ്പീക്കറുകള്, ട്രജെക്ടറി റിയര് ക്യാമറ, ആപ്പ്- നിയന്ത്രിത ആംബിയന്റ് ലൈറ്റിംഗ്, ഷാര്ക്ക് ഫിന് ആന്റിന, പ്രീമിയം ബീജ് കളര് സീറ്റ് അപ്ഹോള്സ്റ്ററി എന്നീ സവിശേഷതകളോടുകൂടിയും ഇലക്ട്രോണിക് സ്റ്റെബിലിറ്റി പ്രോഗ്രാം, ട്രാക്ഷന് കണ്ട്രോള് സിസ്റ്റം, ഹില് സ്റ്റാര്ട്ട് അസിസ്റ്റ്, ടയര് പ്രഷര് മോണിറ്ററിംഗ് സിസ്റ്റം എന്നീ സുരക്ഷ സംവിധാനങ്ങളോടു കൂടിയുമാണു നിസാന് മാഗ്നൈറ്റ് ഗെസ്സ സ്പെഷ്യല് എഡിഷന് വരുന്നത്.
സുരക്ഷയും പ്രകടന സവിശേഷതകളും ഒപ്പം ആകര്ഷകമായ വിലയും കൂടി വരുമ്പോള് മാഗ്നൈറ്റ് ഗെസ്സ ഏറ്റവും ശ്രദ്ധേയമായ വാഹനമായി മാറുന്നുവെന്ന് വിലവിവരം പ്രഖ്യാപിച്ചുകൊണ്ട് നിസാന് മോട്ടോര് ഇന്ത്യ മാനേജിങ് ഡയറക്ടര് രാകേഷ് ശ്രീവാസ്തവ പറഞ്ഞു.