ഒറ്റ ദിവസത്തെ ഇടിവിനു ശേഷം സ്വർണവിലയിൽ വീണ്ടും വർധന

കൊച്ചി: ഒറ്റ ദിവസത്തെ ഇടിവിനു ശേഷം സ്വർണവിലയിൽ വർധന. ശനിയാഴ്ച (21/06/2025) പവന് 200 രൂപ വര്‍ധിച്ച് 73,880 രൂപയാണ് ഒരു പവന്‍ സ്വര്‍ണത്തിന്‍റെ ഇന്നത്തെ വില. ഗ്രാമിന് ആനുപാതികമായി 25 രൂപയാണ് വര്‍ധിച്ചത്. 9,235 രൂപയാണ് ഒരു ഗ്രാം സ്വര്‍ണത്തിന്.

ജൂണ്‍ 13നാണ് 74,320 രൂപ എന്ന റെക്കോര്‍ഡ് വില ആദ്യമായി മറികടന്നത്. എന്നാൽ 75,000 വും കടന്ന് കുതിക്കുമെന്ന സൂചനയ്ക്കിടെയാണ് വില വെള്ളിയാഴ്ച ഇടിഞ്ഞത്. ഇറാന്‍- ഇസ്രയേല്‍ സംഘര്‍ഷം അടക്കമുള്ള വിഷയങ്ങൾ മൂലം സുരക്ഷിത നിക്ഷേപം എന്ന നിലയില്‍ സ്വര്‍ണത്തിലേക്ക് കൂടുതല്‍ ആളുകള്‍ എത്തുന്നതാണ് വില ഉയരാന്‍ കാരണമാകുന്നത്.

അതേസമയം, വെള്ളിയുടെ വിലയിൽ മാറ്റമില്ല. ഒരു ഗ്രാം സാധാരണ വെള്ളിയുടെ വില 118 രൂപയാണ്.

കഴിഞ്ഞ ഒരാഴ്ചത്തെ സ്വർണവില:

ജൂൺ 14 - 74,560 രൂപ (+)

ജൂൺ 15 - മാറ്റമില്ല

ജൂൺ 16 - 74,440 രൂപ (-)

ജൂൺ 17 - 73,600 രൂപ (-)

ജൂൺ 18 - 74,000 രൂപ (+)

ജൂൺ 19 - 74,120 രൂപ (+)

ജൂൺ 20 - 73,680 രൂപ (-)

ജൂൺ 21 - 73,880 രൂപ (+)