July 2022 - 2:45 pm IST
Download Our Mobile App
- ശക്തമായ മഴ; എറണാകുളം മണികണ്ഠൻചാൽ പാലം മുങ്ങി; ഇടുക്കിയില് മണ്ണിടിഞ്ഞ് വീണ് വീട് തകര്ന്നു |
- രാഹുൽ നർവേക്കർ മഹാരാഷ്ട്ര സ്പീക്കർ |
- 24 മണിക്കൂറിനുള്ളില് ബംഗാള് ഉള്ക്കടലില് ന്യൂനമര്ദ്ദം; 5 ജില്ലകളില് ഇന്ന് ഓറഞ്ച് അലര്ട്ട്; 9 ജില്ലകളില് യെല്ലോ അലര്ട്ട് |
- ഗോവൻ 'ഫെനി' മറന്നേക്കൂ: വരുന്ന ക്രിസ്മസ് സീസണിൽ കേരളത്തിന്‍റെ നാടൻ ഫെനി എത്തും |
- മരടിൽ സ്കൂൾ ബസിന് മുകളിലേക്ക് വൈദ്യുതി പോസ്റ്റിടിഞ്ഞ് വീണു |
- എകെജി സെന്‍റർ ആക്രമണം ; അടിയന്തര പ്രമേയത്തിന് അനുമതി |
- ചോദ്യംചെയ്യലിന് ഹാജരാകണം; ഷാജ് കിരണിന് ഇ.ഡി നോട്ടീസ് |
- പണം ഇരട്ടിപ്പിച്ച് നൽകാമെന്ന് വാഗ്ദാനം ചെയ്ത് തട്ടിയെടുത്തത് നാലര കോടി ; ഷിജിയെ ബംഗാളിൽ നിന്ന് പൊക്കി കേരളാ പൊലീസ് |
- മുഖ്യമന്ത്രിയുടെ കഥ പൊലീസിന്റെ തിരക്കഥ ; റിപ്പോർട്ടിനെതിരെ കെ സി വേണുഗോപാൽ |
- വിശ്വാസം നേടി ഷിൻഡെ |
കെ റെയ്ൽ: അങ്കമാലിയിലും സർവേ കല്ലുകൾ പിഴുത് പ്രതിഷേധം
Published:21 January 2022
അങ്കമാലി: അങ്കമാലിയില്‍ കെ- റെ‍യ്‌ലിനായി സ്ഥാപിച്ച സര്‍വേ കല്ലുകള്‍ പിഴുത് റീത്ത് വച്ചു പ്രതിഷേധം. അങ്കമാലി, എളവൂര്‍, പാറക്കടവിലൂടെ നിർദിഷ്‌ട സില്‍വര്‍ ലൈന്‍ പദ്ധതി കടന്നുപോകുന്ന ഭാഗത്തു ത്രിവേണി കവലയിലെ പാടശേഖരത്തിൽ വ്യാഴാഴ്ച പകൽ കെ-റെയ്ല്‍ ഉദ്യോഗസ്ഥരെത്തി സര്‍വേ കല്ലുകള്‍ സ്ഥാപിച്ചിരുന്നു. ജനങ്ങളുടെ കടുത്ത പ്രതിഷേധത്തിനിടെയാണ് ഈ ഭാഗത്ത് പൊലീസ് സഹായത്തോടെ ഉദ്യോഗസ്ഥർ സർവേ കല്ലുകൾ സ്ഥാപിച്ചത്. ഇന്നലെ രാവിലെ ഈ ഭാഗങ്ങളിൽ കല്ലുകൾ പിഴുതു മാറ്റിയ നിലയിൽ കാണുകയായിരുന്നു.
പുളിയനത്തു പാടശേഖരത്തിൽ സ്ഥാപിച്ചിരുന്ന ആറു കല്ലുകളാണ് രാത്രി പിഴുതെടുത്ത് ജംക്‌ഷനിലെ ബസ് കാത്തിരിപ്പു കേന്ദ്രത്തിനു സമീപം വച്ചത്. എളവൂർ സെന്‍റ് ആന്‍റണീസ് പള്ളിക്കു സമീപവും കല്ലിളക്കി റീത്തു വച്ചു. പാത കടന്നുപോകുന്നതിന്‍റെ സമീപത്തുള്ള വിവിധ കവലകളിലും സര്‍വേ കല്ലുകള്‍ കൊണ്ടുവച്ച് അതിന് മുകളില്‍ റീത്ത് വച്ച നിലയിലായിരുന്നു.
ജനങ്ങളുടെ സ്വാഭാവിക പ്രതികരണമാണ് ഉണ്ടായതെന്ന് റോജി എം. ജോണ്‍ എംഎൽഎ പറഞ്ഞു. അങ്കമാലി, പാറക്കടവ് പഞ്ചായത്തില്‍ പ്രതിഷേധിച്ച ജനങ്ങളെ പൊലീസിനെ ഉപയോഗിച്ച് അറസ്റ്റ് ചെയ്തും ഭീക്ഷണിപ്പെടുത്തിയും സ്ഥാപിച്ച കെ- റെയ്ല്‍ കല്ലുകള്‍ക്ക് 24 മണിക്കൂറിന്‍റെ ആയുസ് ഉണ്ടായില്ലെന്ന് റോജി ഫെയ്‌സ്ബുക്കിൽ കുറിച്ചു. ജനങ്ങളെ വെല്ലുവിളിച്ച് മുന്നോട്ട് പോകുന്ന പിണറായി സര്‍ക്കാരിന്‍റെ ധാര്‍ഷ്ട്യത്തിന് തക്ക മറുപടി നല്‍കിയ ധീരന്‍മാര്‍ക്ക് അഭിവാദ്യങ്ങളെന്നും ചിത്രങ്ങള്‍ പങ്കുവച്ചുകൊണ്ട് അദ്ദേഹം പറഞ്ഞു. ജനകീയ സമരസമിതിയുടെ നേതൃത്വത്തിൽ ഒരാഴ്ചയായി കെ- റെ‌യ്‌ലിനെതിരെ പ്രതിഷേധ സമരങ്ങൾ നടന്നുവരികയാണ്.
വാർത്തകൾ
വാർത്തകൾ
Sign up for Newsletter
All rights reserved by Metrovaartha.com
Quick Links
Categories
Tags
Download Apps
