July 2022 - 4:03 pm IST
Download Our Mobile App
- കെഎസ്ആര്ടിസി രക്ഷപ്പെടാന് യൂണിയനുകള് വിചാരിക്കണം ; ആന്റണി രാജു |
- സത്യപ്രതിജ്ഞാ ലംഘനം നടത്തി സജി ചെറിയാന്‍ ;ഇന്ത്യൻ ഭരണഘടന ജനങ്ങളെ കൊള്ളയടിക്കാനുള്ളതെന്ന് മന്ത്രി |
- നടിയെ ആക്രമിച്ച കേസ് ; മെമ്മറി കാർഡ് പരിശോധിക്കാൻ അനുമതി |
- സജി ചെറിയാനെ മന്ത്രിസ്ഥാനത്ത് നിന്ന് നീക്കണം ; കമാൽ പാഷ |
- ഭരണഘടനാ വിരുദ്ധ പ്രസംഗം: സജി ചെറിയാനെ മുഖ്യമന്ത്രി പുറത്താക്കണം: കെ.സുരേന്ദ്രൻ |
- പ്രതിശ്രുത വധുവിനൊപ്പം ലൈംഗീക ബന്ധത്തിൽ ഏർപ്പെടുന്നതിനിടെ യുവാവ് മരിച്ചു ; 23 കാരിയുടെ മൊഴി ഇങ്ങനെ |
- മന്ത്രിസഭയിൽ നിന്ന് സജി ചെറിയാനെ പുറത്താക്കണം; വിഡി സതീശൻ |
- ഭരണഘടനയുടെ മഹത്വം അറിയാത്ത മന്ത്രി തുടരരുത് ; സജി ചെറിയാനെതിരെ കെ സുധാകരൻ |
- ആലപ്പുഴ വിദ്വേഷ മുദ്രാവാക്യം: അറസ്റ്റിലായ 31പേര്ക്കും ഹൈക്കോടതി ജാമ്യം അനുവദിച്ചു |
- വിവാദ പ്രസംഗത്തിൽ രാജിയില്ല; ഖേദം പ്രകടിപ്പിച്ച് സജി ചെറിയാൻ |
യൂറോപ്പ മുത്തം ഫ്രാങ്ക്ഫര്‍ട്ട് വക
Published:19 May 2022
മാഡ്രിഡ്: യൂറോപ്പില്‍ ഇത് പെനാല്‍റ്റി ഷൂട്ടൗട്ടുകളുടെ കാലം. എഫ് എ കപ്പ് വിജയികളെ നിര്‍ണയിച്ചത് പെനാല്‍റ്റി ഷൂട്ടൗട്ടിലായിരുന്നു. ഇപ്പോഴിതാ യൂറോപ്പ ലീഗിലും സമാനമായി ഷൂട്ടൗട്ടിലൂടെ വിജയിയെ കണ്ടെത്തിയിരിക്കുന്നു.
ജര്‍മന്‍ ക്ലബായ ഫ്രാങ്ക്ഫര്‍ട്ട് യൂറോപ്പ ലീഗ് ചാമ്പ്യന്‍സ്. സ്‌പെയിനില്‍ നടന്ന ഫൈനലില്‍ പെനാല്‍റ്റി ഷൂട്ടൗട്ടില്‍ 5-4ന് റേഞ്ചേഴ്‌സിനെ പരാജയപ്പെടുത്തിയാണ് ഫ്രാങ്ക്ഫര്‍ട്ട് യൂറോപ്പ ലീഗ് കിരീടം സ്വന്തമാക്കിയത്. മത്സരം നിശ്ചിത സമയത്തും എക്‌സ്ട്രാ ടൈമിലും 1-1 എന്ന നിലയില്‍ അവസാനിച്ചു. ഫ്രാങ്ക്ഫര്‍ട്ട് ക്ലബിന്‍റെ ആദ്യ യൂറോപ്യന്‍ കിരീടമാണിത്.
സെവിയ്യയില്‍ രണ്ട് ടീമുകള്‍ക്ക് ഒപ്പം രണ്ട് വലിയ ആരാധക കൂട്ടത്തിന്‍റെ പോരാട്ടം കൂടെയാണ് കണ്ടത്. ഒരു ഭാഗത്ത് നീല നിറത്താലും ഒരു ഭാഗത്ത് വെള്ള നിറത്താലും അണിഞ്ഞൊരുങ്ങിയ ഗ്യാലറിക്ക് മുന്നില്‍ ഒപ്പത്തിനൊപ്പം നിക്കുന്ന പോരാട്ടം റേഞ്ചേഴ്‌സും ഫ്രാങ്ക്ഫര്‍ട്ടും നടത്തി. ഫ്രാങ്ക്ഫര്‍ട്ടാണ് ആദ്യ പകുതിയില്‍ കൂടുതല്‍ അവസരങ്ങള്‍ സൃഷ്ടിച്ചത്. എങ്കില്‍ ഗോള്‍ ഒന്നും ആദ്യ പകുതിയില്‍ പിറന്നില്ല. രണ്ടാം പകുതിയില്‍ 57-ാം മിനിറ്റിലാണ് ആദ്യ ഗോള്‍ വന്നത്. അത് റേഞ്ചേഴ്‌സില്‍ നിന്നായിരുന്നു. അപ്രതീക്ഷിതമായി ലഭിച്ച അവസരം നൈജീരിയന്‍ താരം ജോ അരിബോ ഒരു ആധികാരിക ഫിനിഷോടെ വലയില്‍ എത്തിച്ചു. റേഞ്ചേഴ്‌സ് 1-0.
ഈ ഗോളിന് 12 മിനിറ്റുകള്‍ക്ക് ശേഷം ജര്‍മ്മന്‍ ടീമിന്‍റെ മറുപടി വന്നു. ഇടതു വിങ്ങില്‍ നിന്ന് കോസ്റ്റിക് നല്‍കിയ മനോഹരമായ പാസ് റേഞ്ചേഴ്‌സ് ഡിഫന്‍ഡര്‍മാര്‍ക്ക് ഇടയിലൂടെ നുഴഞ്ഞു കയറിയ റാഫേല്‍ ബോറെ വലയിലേക്ക് വഴിതിരിച്ചു വിട്ടു. സ്‌കോര്‍ 1-1. ഇരു ടീമുകള്‍ക്കും വിജയഗോള്‍ കണ്ടെത്താനാവാത്തതോടെ കളി എക്‌സ്ട്രാ ടൈമിലേക്ക് നീങ്ങി. എക്‌സ്ട്രാ ടൈമില്‍ അധികം അവസരങ്ങള്‍ പിറന്നില്ല. എക്‌സ്ട്രാ ടൈമിന്‍റെ ആദ്യ പകുതി ഗോള്‍ ഇല്ലാതെ അവസാനിച്ചു. എക്‌സ്ട്രാ ടൈമിന്‍റെ രണ്ടാം പകുതിയില്‍ ഫ്രാങ്ക്ഫര്‍ട്ട് നല്ല അവസരങ്ങള്‍ സൃഷ്ടിച്ചു. എങ്കിലും വിജയ ഗോള്‍ വന്നില്ല.
118-ാം മിനിറ്റില്‍ മൂര്‍ ഒരുക്കിയ അവസരം കെന്‍റ് ഗോള്‍ എന്ന് ഉറപ്പിച്ച് വലയിലേക്ക് അടിച്ചു എങ്കിലും ട്രാപ് അത്ഭുത സേവിലൂടെ ഫ്രാങ്കഫര്‍ടിനെ രക്ഷിച്ചു. 120 മിനുട്ട് കഴിഞ്ഞതോടെ കളി പെനാല്‍റ്റി ഷൂട്ടൗട്ടിലേക്ക് നീങ്ങി. ഇരു ടീമുകളും ആദ്യ മൂന്ന് പെനാല്‍റ്റികള്‍ ലക്ഷ്യത്തിലെത്തിച്ചു. റേഞ്ചേഴ്‌സിന്‍റെ നാലാം കിക്ക് എടുത്ത ആരണ്‍ റാംസിക്ക് പക്ഷെ പിഴച്ചു. ട്രാപിന്‍റെ ആ സേവ് ഫ്രാങ്ക്ഫര്‍ടിന് വിജയം സമ്മാനിച്ചു. 5-4നാണ് പെനാല്‍റ്റി ഷൂട്ടൗട്ട് ഫ്രാങ്ക്ഫര്‍ട്ട് വിജയിച്ചത്.
വാർത്തകൾ
വാർത്തകൾ
Sign up for Newsletter
All rights reserved by Metrovaartha.com
Quick Links
Categories
Tags
Download Apps
