July 2022 - 4:07 pm IST
Download Our Mobile App
- കെഎസ്ആര്ടിസി രക്ഷപ്പെടാന് യൂണിയനുകള് വിചാരിക്കണം ; ആന്റണി രാജു |
- സത്യപ്രതിജ്ഞാ ലംഘനം നടത്തി സജി ചെറിയാന്‍ ;ഇന്ത്യൻ ഭരണഘടന ജനങ്ങളെ കൊള്ളയടിക്കാനുള്ളതെന്ന് മന്ത്രി |
- നടിയെ ആക്രമിച്ച കേസ് ; മെമ്മറി കാർഡ് പരിശോധിക്കാൻ അനുമതി |
- സജി ചെറിയാനെ മന്ത്രിസ്ഥാനത്ത് നിന്ന് നീക്കണം ; കമാൽ പാഷ |
- ഭരണഘടനാ വിരുദ്ധ പ്രസംഗം: സജി ചെറിയാനെ മുഖ്യമന്ത്രി പുറത്താക്കണം: കെ.സുരേന്ദ്രൻ |
- പ്രതിശ്രുത വധുവിനൊപ്പം ലൈംഗീക ബന്ധത്തിൽ ഏർപ്പെടുന്നതിനിടെ യുവാവ് മരിച്ചു ; 23 കാരിയുടെ മൊഴി ഇങ്ങനെ |
- മന്ത്രിസഭയിൽ നിന്ന് സജി ചെറിയാനെ പുറത്താക്കണം; വിഡി സതീശൻ |
- ഭരണഘടനയുടെ മഹത്വം അറിയാത്ത മന്ത്രി തുടരരുത് ; സജി ചെറിയാനെതിരെ കെ സുധാകരൻ |
- ആലപ്പുഴ വിദ്വേഷ മുദ്രാവാക്യം: അറസ്റ്റിലായ 31പേര്ക്കും ഹൈക്കോടതി ജാമ്യം അനുവദിച്ചു |
- വിവാദ പ്രസംഗത്തിൽ രാജിയില്ല; ഖേദം പ്രകടിപ്പിച്ച് സജി ചെറിയാൻ |
പെട്രോൾ വിൽപ്പന നിർത്താൻ സ്വകാര്യ എണ്ണ കമ്പനികൾ
Published:24 May 2022
# ബിസിനസ് ലേഖകൻ
കൊച്ചി: ആഭ്യന്തര വിപണിയിലെ വിൽപന നഷ്ടം കുതിച്ചുയരുന്നതിനാൽ പെട്രോൾ, ഡീസൽ ചില്ലറ വിപണന രംഗത്ത് നിന്ന് പിൻമാറാൻ സ്വകാര്യ എണ്ണ കമ്പനികൾ ഒരുങ്ങുന്നു. രാജ്യാന്തര വിപണിയിൽ അസംസ്കൃത എണ്ണയുടെ വിലയിലുണ്ടായ വൻ കുതിപ്പിന് ആനുപാതികമായി ഇന്ത്യയിലെ വില പൊതുമേഖലാ കമ്പനികൾ വർധിപ്പിക്കാത്തതിനാൽ വാഹന ഇന്ധന വിൽപ്പന വൻ നഷ്ടം നേരിടുകയാണെന്ന് അവർ പറയുന്നു. പെട്രോളിന്‍റെ വിൽപ്പനയിൽ ലിറ്ററിന് 13 രൂപയും ഡീസലിന്‍റെ വിൽപ്പനയിൽ ലിറ്ററിന് 24 രൂപയും നഷ്ടം നേരിടുന്നുവെന്നാണ് സ്വകാര്യ കമ്പനികളുടെ നിലപാട്.
അഞ്ച് സംസ്ഥാന നിയമസഭകളിലേക്ക് നടന്ന തെരഞ്ഞെടുപ്പിന് മുന്നോടിയായി 113 ദിവസങ്ങളിൽ ഇന്ധന വില വർധന കേന്ദ്ര സർക്കാർ മരവിപ്പിച്ചിരുന്നു. അതിനു ശേഷം പൊതുമേഖലാ കമ്പനികൾ വില വർധന മോഡിലേക്ക് മാറിയെങ്കിലും നഷ്ടം പൂർണമായും നികത്തുന്ന തരത്തിൽ വിലയിൽ മാറ്റം വരുത്തിയിട്ടില്ലെന്ന് പ്രമുഖ ഇന്ധന റീട്ടെയ്ൽ കമ്പനിയായ റിലയൻസ് ബിപി മൊബിലിറ്റി ലിമിറ്റഡ് (ആർബിപിഎം) കേന്ദ്ര പെട്രോളിയം മന്ത്രാലയത്തിന് അയച്ച കത്തിൽ ചൂണ്ടിക്കാട്ടി. റിലയൻസ് ഇൻഡസ്ട്രീസിന്‍റെയും ബ്രിട്ടീഷ് പെട്രോളിയത്തിന്‍റെയും സംയുക്ത സംരംഭമാണ് ആർബിപിഎം. ഇത്രയും വലിയ വിൽപന നഷ്ടം നേരിട്ട് ഇന്ത്യയിൽ വാഹന ഇന്ധനങ്ങളുടെ റീട്ടെയ്ൽ വിൽപ്പന രംഗത്ത് തുടരാനാവില്ലെന്നും അവർ ചൂണ്ടിക്കാട്ടുന്നു.
അതേസമയം, ഉത്പാദന ചെലവിന് ആനുപാതികമായി ചില്ലറ വിൽപ്പന വില ഈടാക്കാനാവത്തതിൽ പൊതുമേഖലാ എണ്ണ കമ്പനികളും നിരാശയിലാണ്. രാജ്യത്തെ നാണയപ്പെരുപ്പം മാനംമുട്ടെ ഉയരുന്നതിനാൽ വിപണി വില നിയന്ത്രിക്കണമെന്ന നിലപാടാണ് കേന്ദ്രസർക്കാരിനുള്ളത്. കഴിഞ്ഞ ദിവസം പെട്രോളിന്‍റെയും സീസലിന്‍റെയും എക്സൈസ് നികുതി സർക്കാർ കുത്തനെ കുറച്ചതും നാണയപ്പെരുപ്പം നിയന്ത്രിക്കാനുള്ള നടപടികളുടെ ഭാഗമായാണ്.
രാജ്യത്തെ എണ്ണ റീട്ടെയ്ൽ വിപണിയിലെ 90 ശതമാനം പമ്പുകളും പൊതുമേഖലാ സ്ഥാപനങ്ങളായ ബിപിസിഎൽ, ഐഒസി, എച്ച്പിസിഎൽ എന്നിവയുടെ നിയന്ത്രണത്തിലാണ്. അതിനാൽ സ്വകാര്യ കമ്പനികൾക്ക് വില നിർണയത്തിൽ കാര്യമായ പങ്കില്ല. പുതിയ സാഹചര്യത്തിൽ വാഹന ഇന്ധനങ്ങളുടെ റീട്ടെയ്ൽ വിൽപനയിൽ നിന്നു പിൻമാറി നഷ്ടം കുറയ്ക്കുകയാണ് ഏക പോംവഴിയെന്ന് കമ്പനികൾ പറയുന്നു.
വാർത്തകൾ
വാർത്തകൾ
Sign up for Newsletter
All rights reserved by Metrovaartha.com
Quick Links
Categories
Tags
Download Apps
