കാ​ല്‍പ്പ​ന്തി​ന്‍റെ ആ​വേ​ശം നി​റ​ച്ച് ദോ​ഹ കോ​ർ​ണീ​ഷ്

Published:20 June 2022

# ഖ​ത്ത​റി​ല്‍ നി​ന്ന് ജെ​സ്സി ജോ​ണ്‍

നീ​ലാ​കാ​ശ​ത്തി​നു കീ​ഴി​ല്‍ പേ​ര്‍ഷ്യ​ന്‍ ഉ​ള്‍ക്ക​ലി​ന്‍റെ തീ​ര​ത്ത് ച​ന്ദ്ര​ക്ക​ല​പോ​ലെ അ​ർ​ധ​വൃ​ത്താ​കൃ​തി​യി​ല്‍ നീ­​ണ്ടു​കി​ട​ക്കു​ന്ന ഏ​ഴ​ര കി​ലോ​മീ​റ്റ​ര്‍ മ​നോ​ഹ​ര​മാ​യ പ്രൊ​മ​നൈ​ഡ്. അ​സ്ത​മ​യ സൂ​ര്യ​ന്‍റെ കി​ര​ണ​ങ്ങ​ളേ​റ്റ് നീ​ല​ജ​ലാ​ശ​യ​ത്തി​ൽ ചു​വ​പ്പ് രാ​ശി പ​ട​ര്‍ന്നി​രി​ക്കു​ന്നു. ചെ​റി​യ ഓ​ള​ങ്ങ​ള്‍ തീ​ര​ത്തെ ക​ല്ലു​ക​ളെ ത​ഴു​കി ക​ട​ന്നു​പോ​കു​ന്നു. മ​റു​ക​ര​യി​ല്‍ ആ​കാ​ശം തൊ​ടും​പോ​ലെ കെ​ട്ടി​ട​ങ്ങ​ള്‍. തീ​ര​ത്ത് ന​ങ്കൂ​ര​മി​ട്ടി​രി​ക്കു​ന്ന നൗ​ക​ക​ള്‍ ഓ​ള​പ്പ​ര​പ്പി​ല്‍ ആ​ടി​യു​ല​യു​ന്നു. ഖ​ത്ത​റി​ന്‍റെ ദേ​ശീ​യ​പ​താ​ക നൗ​ക​ക​ളി​ല്‍ പാ​റി​ക്ക​ളി​ക്കു​ന്നു. പ്രൊ​മ​നൈ​ഡി​ലൂ​ടെ ന​ട​ന്നു നീ​ങ്ങു​ക​യാ​ണ് സ്വ​ദേ​ശി​ക​ളും വി​ദേ​ശി​ക​ളു​മാ​യ നി​ര​വ​ധി പേ​ർ. 2018 മേ​യ് മാ​സ​ത്തി​ലെ ഒ​രു സാ​യാ​ഹ്നം. ഞാ​ന്‍ ആ​ദ്യ​മാ​യി ദോ​ഹ കോ​ർ​ണീ​ഷ് തീ​ര​ത്തെ അ​ടു​ത്ത​റി​ഞ്ഞ ആ ​ദി​നം ഇ​ന്നും മാ​യാ​തെ മ​ന​സി​ലു​ണ്ട്. 50,000 വ​ര്‍ഷം മു​മ്പ് മ​നു​ഷ്യ​വാ​സം ആ​രം​ഭി​ച്ച ഈ ​മ​ധ്യേ​ഷ്യ​ൻ രാ​ജ്യ​ത്തി​ന്‍റെ ലാ​ന്‍ഡ്മാ​ര്‍ക്കു​ക​ളി​ല്‍ ഏ​റ്റ​വും മ​നോ​ഹ​ര​വും പ്രാ​ധാ​ന്യ​മേ​റി​യ​തു​മാ​ണ് ദോ​ഹ കോ​ർ​ണീ​ഷ്.

ഖ​ത്ത​ര്‍ 2022 ന് ​യോ​ഗ്യ​ത നേ​ടി​യ എ​ല്ലാ രാ​ജ്യ​ങ്ങ​ളു​ടെ​യും പ​താ​ക​ക​ള്‍ ഔ​ദ്യോ​ഗി​ക​മാ​യി ഉ​യ​ര്‍ത്ത​പ്പെ​ട്ടി​രി​ക്കു​ന്ന​തും ഈ ​സു​ന്ദ​ര ഭൂ​മി​ക​യി​ലാ​ണ്. കാ​ല്‍പ്പ​ന്തി​ന്‍റെ ലോ​ക​പ്പോ​രാ​ട്ട​ത്തി​നെ​ത്തു​ന്ന ഓ​രോ രാ​ജ്യ​ത്തി​ന്‍റെ​യും പ്ര​തി​നി​ധി​ക​ള്‍ അ​ഭി​മാ​ന​ത്തോ​ടെ വാ​നി​ലു​യ​ര്‍ത്തി​യ ദേ​ശീ​യ​പ​താ​ക​ക​ൾ ക​ട​ൽ​ക്കാ​റ്റി​ൽ പാ​റി​പ്പ​റ​ക്കു​ന്നു. തൊ​ട്ട​ടു​ത്ത് ത​ന്നെ ലോ​ക​ക​പ്പ് എം​ബ്ല​ത്തി​ന്‍റെ ബൃ​ഹ​ത്താ​യ നി​ർ​മി​തി​യി​ല്‍ സോ​ക്ക​ര്‍ ആ​ര​വം വി​ളി​ച്ച​റി​യി​ച്ച് ഖ​ത്ത​ര്‍ 2022 കൗ​ണ്‍ഡൗ​ണ്‍ ക്ലോ​ക്ക്. ലോ​ക​ക​പ്പ് കാ​ല​ത്ത് ഖ​ത്ത​റി​ലെ​ത്തു​ന്ന ഏ​തൊ​രാ​ള്‍ക്കും ദോ​ഹ കോ​ർ​ണീ​ഷ് ന​ല്‍കു​ന്ന​ത് വ​ത്യ​സ്ത അ​നു​ഭ​വ​മാ​യി​രി​ക്കും.

ഇ​രു​പ​താം നൂ​റ്റാ​ണ്ടി​ന്‍റെ തു​ട​ക്കം വ​രെ വി​ജ​ന​മാ​യ ഒ​രു മ​രു​ഭൂ​പ്ര​ദേ​ശ​മാ​യി​രു​ന്നു ദോ​ഹ കോ​ർ​ണീ​ഷ്. ഷെ​റാ​ട്ട​ണ്‍ ഹോ​ട്ട​ലാ​യി​രു​ന്നു ഏ​ക കെ​ട്ടി​ടം. 2006 ലെ ​ഏ​ഷ്യ​ന്‍ ഗെ​യിം​സി​ന് വേ​ദി​യാ​യ ഖ​ത്ത​ര്‍ ഈ ​പ്ര​ദേ​ശ​ത്തെ അ​തി​മ​നോ​ഹ​ര തീ​ര​മാ​ക്കി മാ​റ്റി. ഇ​ന്ന് ഖ​ത്ത​ര്‍ ദേ​ശീ​യ ദി​നാ​ഘോ​ഷം, കാ​യി​ക​ദി​നം അ​ട​ക്കം എ​ല്ലാ പ്ര​ധാ​ന ആ​ഘോ​ഷ​ങ്ങ​ളു​ടെ​യും വേ​ദി​യാ​ണ് കോ​ർ​ണീ​ഷ്. ക​ഴി​ഞ്ഞ വ​ര്‍ഷം ഫി​ഫ ന​ട​ത്തി​യ അ​റ​ബ് ക​പ്പ് ഫു​ട്ബോ​ളി​ന്‍റെ പ്ര​ധാ​ന ആ​ഘോ​ഷ​ങ്ങ​ള്‍ ന​ട​ന്ന​തും ഈ ​തീ​ര​ത്താ​ണ്.

ക​ട​ലോ​ര​ത്ത് പ്രൊ​മ​നൈ​ഡി​നോ​ട് ചേ​ര്‍ന്ന് അ​തി​വി​ശാ​ല​മാ​യ പു​ല്‍മേ​ടു​ക​ള്‍ സ​ജ്ജീ​ക​രി​ച്ചി​രി​ക്കു​ന്നു. അ​റേ​ബ്യ​ന്‍ മ​രു​ഭൂ​മി​യു​ടെ പ്ര​തീ​ക​മാ​യ ഈ​ന്ത​പ്പ​ന​ക​ള്‍ കൃ​ത്യ​മാ​യ അ​ക​ല​ത്തി​ല്‍ മ​നോ​ഹ​ര​മാ​യി പ​രി​പാ​ലി​ക്ക​പ്പെ​ടു​ന്ന പു​ല്‍ത്ത​കി​ടി. രാ​ത്രി​കാ​ല​ത്ത് നി​യോ​ണ്‍ വെ​ളി​ച്ച​ത്തി​ല്‍ അ​ത്യാ​ക​ര്‍ഷ​ക​മാ​ണ് ഇ​വി​ടം. പ്ര​ധാ​ന ആ​ഘോ​ഷ സ​മ​യ​ങ്ങ​ളി​ല്‍ ഇ​വി​ടെ ന​ട​ക്കു​ന്ന വെ​ടി​ക്കെ​ട്ടി​ന്‍റെ രാ​ത്രി​ക്കാ​ഴ്ച ന​ല്‍കു​ന്ന അ​നു​ഭൂ​തി വ​ർ​ണ​നാ​തീ​ത​മാ​ണ്.

കോ​ർ​ണീ​ഷി​ന്‍റെ തെ​ക്കേ അ​റ്റ​ത്ത് നി​ല​കൊ​ള്ളു​ന്ന മ്യൂ​സി​യം ഒ​ഫ് ഇ​സ്‌​ലാ​മി​ക് ആ​ര്‍ട്ട് അ​റേ​ബ്യ​ന്‍ പൈ​തൃ​ക​ത്തി​ന്‍റെ ക​ഥ​ക​ള്‍ വി​ളി​ച്ചോ​തു​ന്നു. 48,000 ച​തു​ര​ശ്ര​യ​ടി വി​സ്തൃ​തി​യി​ല്‍ ത​യാ​റാ​ക്ക​പ്പെ​ട്ടി​രി​ക്കു​ന്ന ഈ ​മ്യൂ​സി​യ​ത്തി​ല്‍ അ​റേ​ബ്യ​ന്‍ സം​സ്കാ​ര​ത്തി​ന്‍റെ വ​ള​ര്‍ച്ച​യും ച​രി​ത്ര​വും വി​വ​രി​ക്കു​ന്നു. ഈ​ന്ത​പ്പ​ന​ക​ള്‍ അ​തി​രി​ടു​ന്ന ക​ല്ലു​പാ​കി​യ വ​ഴി​യു​ടെ മ​ധ്യ​ത്തി​ല്‍ ക​നാ​ല്‍പോ​ലെ നീ­​ണ്ടു​പോ​കു​ന്ന ജ​ല​ധാ​ര​ക്ക​ള്‍ക്കി​ട​യി​ലൂ​ടെ സ​ഞ്ച​രി​ച്ച് ഇ​വി​ടെ​യെ​ത്തു​മ്പോ​ള്‍ ന​ടു​ത്ത​ള​ത്തി​ല്‍ വൃ​ത്താ​കൃ​തി​യി​ല്‍ അ​തി​ബൃ​ഹ​ത്താ​യ മ​റ്റൊ​രു ജ​ല​ധാ​ര.

തു​ര്‍ക്കി ക​മ്പ​നി​യാ​യ ബൈ​തൂ​ര്‍ ആ​ണ് മ്യൂ​സി​യം രൂ​പ​ക​ല്‍പ​ന ചെ​യ്ത​ത്. ക​ട​ലി​ലേ​ക്ക് ഇ​റ​ങ്ങി​ക്കി​ട​ക്കു​ന്ന​തു പോ​ലെ​യു​ള്ള ഈ ​നി​ർ​മി​തി​ക്ക് അ​രി​കി​യി​ല്‍ ദൗ ​നൗ​ക​ള്‍ കി​ട​ക്കു​ന്ന കാ​ഴ്ച മ​നോ​ഹ​ര​മാ​യ കാ​ന്‍വ്യാ​സി​ല്‍ വ​ര​ച്ച ചി​ത്രം പോ​ലെ സു​ന്ദ​രം. സാ​യം​സ​ന്ധ്യ​യി​ല്‍ ഈ ​വെ​ള്ള​മ​ന്ദി​ര​ത്തി​ലേ​ക്ക് സൂ​ര്യ​പ്ര​ഭ പ​തി​ക്കു​മ്പോ​ള്‍ ആ ​പ​ശ്ചാ​ത്ത​ല​ത്തി​ല്‍ ഒ​രു സെ​ല്‍ഫി​യെ​ടു​ക്കാ​തെ മ​ട​ങ്ങാ​ന്‍ ആ​ര്‍ക്കും ക​ഴി​യി​ല്ല. മ്യൂ​സി​യ​ത്തി​ന്‍റെ വി​ശാ​ല​മാ​യ അ​ക​ത്ത​ള​ത്തി​ല്‍ ബ​ള്‍ബു​ക​ളു​ടെ പ്ര​കാ​ശ​വി​ന്യാ​സം അ​നു​ഭ​വ​മാ​ണ്. ചി​ത്ര​പ്പ​ണി​ക​ളോ​ടു കൂ​ടി​യ പാ​ത്ര​ങ്ങ​ള്‍, ശി​ൽ​പ​ങ്ങ​ള്‍, പ​വി​ഴ​മു​ത്തു​ക​ള്‍ കോ​ര്‍ത്തി​ണ​ക്കി​യ ആ​ഭ​ര​ണ​ങ്ങ​ള്‍ ച​രി​ത്ര രേ​ഖ​ക​ളു​മെ​ല്ലാം ന​മ്മെ ഹ​ഠാ​ദാ​ക​ര്‍ഷി​ക്കും.

ജാ​പ്പ​നീ​സ് സാ​ങ്കേ​തി​ക വി​ദ്യ ലോ​ക​ത്ത് കൃ​ത്രി​മ മു​ത്തു​ക​ള്‍ സ​മ്മാ​നി​ക്കു​ന്ന​തി​നു മു​മ്പ് പ​വി​ഴ​മു​ത്തു​ക​ള്‍ തേ​ടി ക​ട​ലി​ന്‍റെ അ​ടി​ത്ത​ട്ടി​ലേ​ക്ക് ഊ​ളി​യി​ട്ടി​രു​ന്ന ഖ​ത്ത​റി​ക​ള്‍ ലോ​ക​ത്തി​ന് സ​മ്മാ​നി​ച്ച​ത് അ​പൂ​ര്‍വ പേ​ള്‍ ശേ​ഖ​ര​ങ്ങ​ളാ​ണ്. ആ​യി​ര​ക്ക​ണ​ക്കി​ന് ചി​പ്പി​ക​ളി​ൽ നി​ന്നും വി​ല​പി​ടി​ച്ച മു​ത്തു​ക​ള്‍ തെ​ര​ഞ്ഞു ക​ണ്ടെ​ത്തി​യി​രു​ന്ന കാ​ല​ത്തി​ന്‍റെ ഓ​ർ​മ​പ്പെ​ടു​ത്ത​ലു​മാ​യി പ​വി​ഴ​മു​ത്ത് അ​ട​ങ്ങി​യ ക​ക്ക​യു​ടെ മാ​തൃ​ക​യി​ലു​ള്ള ജ​ല​ധാ​ര. 1939 ല്‍ ​പെ​ട്രോ​ളി​യം ക­​ണ്ടെ​ത്തു​ന്ന​തി​നു മു​മ്പ് ഈ ​ഭൂ​മി​ക​യു​ടെ പ്ര​ധാ​ന ആ​ക​ര്‍ഷ​ണം പ​വി​ഴ​ത്തു​രു​ത്തു​ക​ളാ​യി​രു​ന്നു. പാ​ര​മ്പ​ര്യ​ത്തി​ന്‍റെ ഓ​ർ​മ​പ്പെ​ടു​ത്ത​ലു​ക​ള്‍ ഒ​രു സ​മൂ​ഹ​ത്തി​ന് ത​ങ്ങ​ളു​ടെ പൂ​ര്‍വി​ക​രി​ലേ​ക്കു​ള്ള തി​രി​ച്ചു​പോ​ക്കാ​ണ്. അ​തേ, ഇ​ത് ലോ​ക​ത്തി​നു മു​ന്നി​ല്‍ ഖ​ത്ത​ര്‍ അ​നാ​വ​ര​ണം ചെ​യ്തി​രി​ക്കു​ന്നു.
ഇ​വി​ടെ നി​ന്ന് 500 മീ​റ്റ​ര്‍ അ​ക​ലെ ഉ​ള്‍ക്ക​ട​ലി​ലേ​ക്ക് ഇ​റ​ങ്ങി നി​ല്‍ക്കു​ന്ന​തു പോ​ലെ​യു​ള്ള പ്ര​ദേ​ശ​ത്ത് 2022 ലോ​ക​ക​പ്പി​ന്‍റെ കൗ​ണ്ട്ഡൗ​ൺ ക്ലോ​ക്കും രാ​ജ്യ​ങ്ങ​ളു​ടെ പ​താ​ക​യും കാ​ണാം. ലോ​ക​ക​പ്പ് കി​ക്കോ​ഫി​ന് കൃ​ത്യം ഒ​രു വ​ര്‍ഷം മു​മ്പ് 2021 ന​വം​ബ​ര്‍ 21 നാ​ണ് കൗ​ണ്ട്ഡൗ​ണ്‍ ക്ലോ​ക്ക് സ്ഥാ​പി​ച്ച​ത്. കൈ​യി​ൽ ചു​റ്റു​ന്ന സ്ട്രാ​പ്പ് പോ​ലെ, ക്ലോ​ക്കി​നെ ബ​ന്ധി​പ്പി​ച്ച് ഒ​രു വ​ലി​യ വെ​ള്ളി​നി​റ​മാ​ര്‍ന്ന വ​ള​യം. അ​തി​നു​ള്ളി​ല്‍ ചു​വ​ന്ന പ്ര​ത​ല​ത്തി​ല്‍ ഖ​ത്ത​ര്‍ ലോ​ക​ക​പ്പ് ലോ​ഗോ. 

ലോ​ക​ക​പ്പി​ന് ത​യാ​റെ​ടു​ക്കു​ന്ന എ​ട്ട് സ്റ്റേ​ഡി​യ​ങ്ങ​ളെ സൂ​ചി​പ്പി​ക്കു​ന്ന എ​ട്ട് എ​ന്ന സം​ഖ്യ​യു​ടെ മാ​തൃ​ക​യി​ലു​ള്ള ലോ​ഗോ. മ​രു​ഭൂ​മി​യി​ലെ മ​ണ്‍കൂ​ന​ക​ളു​ടെ അ​ല​യൊ​ലി​ക​ളും പ്ര​തി​ഫ​ലി​ക്കു​ന്നു. ക്ലോ​ക്ക് ഉ​റ​പ്പി​ച്ചി​രി​ക്കു​ന്ന ബൃ​ഹ​ത്താ​യ വ​ള​യ​ത്തി​നു​ള്ളി​ലൂ​ടെ ചു​വ​ന്ന ലോ​ഗോ​യു​ടെ വ​ശ​ങ്ങ​ളി​ലൂ​ടെ മ​റു​തീ​ര​ത്തെ കെ​ട്ടി​ട​ങ്ങ​ളും ക​ട​ലും കാ​ണാം. രാ​ത്രി​യി​ല്‍ ചു​വ​ന്ന ബ​ള്‍ബു​ക​ള്‍ പ്ര​കാ​ശി​ക്കു​മ്പോ​ള്‍ ഈ ​നാ​ഴി​ക​മ​ണി കൂ​ടു​ത​ല്‍ മ​നോ​ഹ​രം.

ലോ​ക​ക​പ്പ് സു​ര​ക്ഷാ ക്ര​മീ​ക​ര​ണ​ങ്ങ​ളു​ടെ ഭാ​ഗ​മാ​യി ക​ഴി​ഞ്ഞ വ​ര്‍ഷം ന​വം​ബ​ര്‍ 15 മു​ത​ല്‍ 17 വ​രെ ന​ട​ന്ന "അ​ല്‍ വ​ത​ന്‍' സൈ​നി​കാ​ഭ്യ​സ​ങ്ങ​ളു​ടെ പ്ര​ധാ​ന വേ​ദി​യും ദോ​ഹ കോ​ർ​ണീ​ഷ് ആ​യി​രു​ന്നു. ലോ​ക​ക​പ്പ് ന​ട​ക്കു​മ്പോ​ള്‍ ഉ­​ണ്ടാ​കു​ന്ന എ​ല്ലാ സു​ര​ക്ഷാ ഭീ​ഷ​ണി​ക​ളേ​യും എ​ങ്ങ​നെ ചെ​റു​ക്കാം എ​ന്ന് മു​ന്‍കൂ​ട്ടി പ​രി​ശീ​ലി​ക്കു​ക​യാ​യി​രു​ന്നു "അ​ല്‍ വ​ത​ന്‍' ല​ക്ഷ്യം. പ​ഴു​ത​ട​ച്ച സു​ര​ക്ഷ ഒ​രു​ക്ക​ത്തി​നു​ള്ള ത​യാ​റെ​ടു​പ്പി​ല്‍ ഖ​ത്ത​റി​ലെ എ​ല്ലാ സേ​ന​ക​ക​ളും ഇ​തി​നു മു​മ്പ് ലോ​ക​ക​പ്പ് ന​ട​ത്തി​യി​ട്ടു​ള്ള രാ​ജ്യ​ങ്ങ​ളു​ടെ സേ​ന​ക​ളും പ​ങ്കെ​ടു​ത്തു.

മ​നോ​ഹ​ര​മാ​യ കോ​ർ​ണീ​ഷി​ലേ​ക്ക് എ​ത്തി​ച്ചേ​രു​വാ​ന്‍ ഏ​റ്റ​വും സു​ഗ​മം മെ​ട്രൊ റെ​യ്‌​ൽ ആ​ണ്. റെ​ഡ് റെ​യ്‌​ല്‍വേ ലൈ​നി​ല്‍ കോ​ർ​ണീ​ഷ്, അ​ല്‍ബി​ദാ, വെ​സ്റ്റ് ബേ ​മൂ​ന്ന് സ്റ്റേ​ഷ​നു​ക​ള്‍ വ​ഴി ഇ​വി​ടെ​യെ​ത്താം. കാ​ഴ്ച​ക​ളു​ടെ മാ​യാ പ്ര​പ​ഞ്ച​ത്തി​ലൂ​ടെ ഉ​ള്‍ക്ക​ട​ലി​നെ ത​ഴു​കി വ​രു​ന്ന കാ​റ്റേ​റ്റ് ന​ട​ക്കാം. ലോ​ക​ക​പ്പ് സ​മ​യ​ത്ത് വ​ലി​യ ആ​ഘോ​ഷ​ങ്ങ​ളും നി​ശാ​പ​രി​പാ​ടി​ക​ളും വെ​ടി​ക്കെ​ട്ടും എ​ല്ലാം ഈ ​തീ​ര​ത്ത് പ്ര​തീ​ക്ഷി​ക്കാം. ലോ​ക​ക​പ്പ് കാ​ല​ത്ത് ഖ​ത്ത​റി​ലെ​ത്തു​ന്ന​വ​ര്‍ ഒ​രി​ക്ക​ലും ഇ​വി​ടം വി​ട്ടു​ക​ള​യ​രു​ത്. ലു​സൈ​ല്‍ എ​ന്ന ഖ​ത്ത​റി​ന്‍റെ പു​തു​ന​ഗ​രം സ​ജ്ജ​മാ​ണെ​ങ്കി​ലും ഖ​ത്ത​റി​ന്‍റെ സാം​സ്കാ​രി​ക - ഭ​ര​ണ - വി​നോ​ദ സ​ഞ്ചാ​ര​ത്തി​ന്‍റെ സി​രാ​കേ​ന്ദ്രം ഇ​ന്നും ദോ​ഹ കോ​ർ​ണീ​ഷ് ത​ന്നെ​യാ​ണ്. ഇ​വി​ടെ​യെ​ത്തു​ന്ന ഓ​രോ മ​ല​യാ​ളി​യും തീ​ര്‍ച്ച​യാ​യും വ​യ​ലാ​റി​ന്‍റെ ഈ ​വ​രി​ക​ള്‍ മ​ന​സി​ല്‍ ഉ​രു​വി​ടും. ""ഈ ​മ​നോ​ഹ​ര തീ​ര​ത്ത് ത​രു​മോ... ഇ​നി​യൊ​രു ജ​ന്മം​കൂ​ടി..''

(ലേ​ഖി​ക ഖ​ത്ത​റി​ൽ ദോ​ഹ അ​ല്‍തു​മാ​മ​യി​ലെ ഒ​ലീ​വ് ഇ​ന്‍റ​ര്‍ നാ​ഷ​ണ​ല്‍ സ്കൂ​ള്‍ അ​ധ്യാ​പി​ക)