August 2022 - 8:39 pm IST
Download Our Mobile App
- ചില അക്കങ്ങളിലെ കള്ളക്കളികള്‍ ഇപ്പൊത്തന്നെ തുറന്നു കാട്ടേണ്ടതുണ്ട് ; പ്രതികരണവുമായി പ്രിയ വർഗീസ് |
- ഷാജഹാന്റെ മരണത്തിൽ അന്വേഷണം നടക്കട്ടെ ; പിന്നീട് പ്രതികരിക്കാമെന്ന് കാനം |
- ഷാജഹാൻ വധം ; പൊലീസിന്റെ അന്വേഷണത്തിന് ശേഷം പ്രതികരിക്കാമെന്ന് യെച്ചൂരി |
- 'രാഷ്ട്രീയ നേട്ടങ്ങള്ക്കായി ചരിത്രപരമായ വസ്തുതകള് തെറ്റായി ചിത്രീകരിക്കുന്നു ; ബിജെപിക്കെതിരെ സോണിയാ ഗാന്ധി |
- തിരുവനന്തപുരം മാലിന്യ സംസ്കരണ പ്ലാന്റിൽ വെട്ടി മാറ്റിയ നിലയിൽ രണ്ട് മനുഷ്യകാലുകൾ |
- തെലങ്കാന പൊലീസിനൊപ്പം സ്വാതന്ത്ര്യദിനം ആഘോഷിച്ച് ദുൽഖർ |
- അംബാനിക്ക് വധഭീഷണി ഒരാൾ അറസ്റ്റിൽ |
- ആഭ്യന്തരവകുപ്പ് തികഞ്ഞ പരാജയം ; വി ഡി സതീശൻ |
- ഷാജഹാന്റെ കൊലപാതകത്തെ അപലപിച്ച് മുഖ്യമന്ത്രി |
- അനാശാസ്യ പ്രവര്ത്തനങ്ങളില് ഏര്പ്പെട്ട 48 പേര് അറസ്റ്റിൽ |
"ഫെഡറലിസം രാജ്യത്തിന്‍റെ നിലനിൽപിന് അടിസ്ഥാന ഘടകം'; തിരുവനന്തപുരത്ത് ദേശീയ പതാക ഉയര്‍ത്തി മുഖ്യമന്ത്രി
അയർലൻഡിൽ അഴിഞ്ഞാടി ടീം ഇന്ത്യ: ഹൂഡയ്ക്ക് സെഞ്ചുറി, സഞ്ജുവിന് അർധസെഞ്ചുറി, അയർലൻഡിന് ലക്ഷ്യം 228
Published:28 June 2022
മാലഹൈഡ് (അയര്‍ലന്‍ഡ്): ട്വന്‍റി- 20 പരമ്പരയിലെ രണ്ടാമത്തെയും അവസാനത്തെയും മത്സരത്തില്‍ അയര്‍ലന്‍ഡിനെതിരേ അഴിഞ്ഞാടി ഇന്ത്യൻ ബാറ്റിങ്ങ് നിര. ടോസ് നേടി ബാറ്റിങ് തെരഞ്ഞെടുത്ത ഇന്ത്യ 20 ഓവറില്‍ ഏഴു വിക്കറ്റ് നഷ്ടത്തില്‍ 227 റണ്‍സെടുത്തു.
ഇന്ത്യന്‍ ജേഴ്‌സിയില്‍ കന്നി സെഞ്ചുറി നേടിയ ദീപക് ഹൂഡയുടെയും കന്നി അര്‍ധ സെഞ്ചുറി നേടിയ സഞ്ജു സാംസന്‍റെയും ഇന്നിങ്‌സുകളാണ് ഇന്ത്യയെ കൂറ്റന്‍ സ്‌കോറിലെത്തിച്ചത്. ട്വന്‍റി 20-യില്‍ ഇന്ത്യയ്ക്കായി സെഞ്ചുറി നേടുന്ന നാലാമത്തെ താരമെന്ന നേട്ടം സ്വന്തമാക്കിയ ഹൂഡ 57 പന്തില്‍ നിന്ന് ആറ് സിക്‌സും ഒമ്പത് ഫോറുമടക്കം 104 റണ്‍സെടുത്തു. 42 പന്തുകള്‍ നേരിട്ട സഞ്ജു നാല് സിക്‌സും ഒമ്പത് ഫോറുമടക്കം 77 റണ്‍സടിച്ച ശേഷമാണ് പുറത്തായത്.
ഇന്ത്യയ്ക്ക് മൂന്നാം ഓവറില്‍ തന്നെ ഓപ്പണര്‍ ഇഷാന്‍ കിഷനെ നഷ്ടമായി. അഞ്ചു പന്തില്‍ നിന്ന് മൂന്ന് റണ്‍സ് മാത്രമെടുത്ത താരത്തെ മാര്‍ക്ക് അഡയര്‍ പുറത്താക്കുകയായിരുന്നു. എന്നാല്‍ രണ്ടാം വിക്കറ്റില്‍ സഞ്ജുവിനൊപ്പം ദീപക് ഹൂഡയെത്തിയതോടെ ഇന്ത്യ ഐറിഷ് ബൗളര്‍മാര്‍ക്ക് മേല്‍ ആധിപത്യം സ്ഥാപിച്ചു. ഇരുവരും ചേര്‍ന്ന് രണ്ടാം വിക്കറ്റില്‍ 176 റണ്‍സാണ് അടിച്ചുകൂട്ടിയത്. ട്വന്‍റി 20-യില്‍ ഇന്ത്യയുടെ ഏറ്റവും ഉയര്‍ന്ന കൂട്ടുകെട്ടെന്ന റെക്കോഡും ഇതോടെ സഞ്ജു - ഹൂഡ സഖ്യത്തിന്‍റെ പേരിലായി. 2017-ല് ഇന്‍ഡോറില്‍ ശ്രീലങ്കയ്‌ക്കെതിരേ രോഹിത് ശര്‍മ - കെ.എല്‍ രാഹുല്‍ സഖ്യം നേടിയ 165 റണ്‍സിന്‍റെ റെക്കോഡാണ് ഇരുവരും തിരുത്തിയെഴുതിയത്. 17-ാം ഓവറില്‍ സഞ്ജുവിനെ മടക്കി മാര്‍ക്ക് അഡയര്‍ തന്നെയാണ് ഈ കൂട്ടുകെട്ടും പൊളിച്ചത്.
സൂര്യകുമാര്‍ യാദവ് അഞ്ച് പന്തില്‍ നിന്ന് 15 റണ്‍സുമായി മടങ്ങി. ഹാര്‍ദിക് ഒമ്പത് പന്തില്‍ 15 റണ്‍സുമായി പുറത്താകാതെ നിന്നു. ദിനേഷ് കാര്‍ത്തിക്ക് (0), അക്ഷര്‍ പട്ടേല്‍ (0), ഹര്‍ഷല്‍ പട്ടേല്‍ (0) എന്നിവരാണ് പുറത്തായ മറ്റ് താരങ്ങള്‍.
വാർത്തകൾ
വാർത്തകൾ
Sign up for Newsletter
All rights reserved by Metrovaartha.com
Quick Links
Categories
Tags
Download Apps
