Metro Vaartha Logo English | Malayalam | E-PAPER | ADVERTISE WITH US
28
September 2022 - 1:50 am IST

Download Our Mobile App

News Sports About Movies Business Viral Video Astro Lifestyle Columns Health Youth Woman

Updates

ക്യാപിറ്റൽ മാർക്കറ്റ് ദേശീയ സമ്മേളനം 18 മുതൽ കോട്ടയത്ത്

Published:12 August 2022

ഓഹരി വിപണിയിൽ നിന്ന് എങ്ങനെ നേട്ടങ്ങൾ കൊയ്യാം, ഏതൊക്കെ ഷെയറുകളിൽ ഇൻവെസ്റ്റ് ചെയ്യണം ഏതൊക്കെ ഷെയർ ഇൻവെസ്റ്റ് ചെയ്യേണ്ട, ഷെയർ മാർക്കറ്റിലും മറ്റു കമോഡിറ്റി മാർക്കറ്റുകളിലും ഇൻവെസ്റ്റ് ചെയ്യുന്നതിന് മുമ്പ് എന്തൊക്കെ പഠനങ്ങൾ നടത്തണം,

കോട്ടയം: ഇൻസ്റ്റിറ്റൂട്ട് ഓഫ് ചാർട്ടേർഡ് അക്കൗണ്ടൻസ് ഓഫ് ഇന്ത്യ കമ്മിറ്റി ഫോർ മാർക്കറ്റ് ആൻഡ് ഇൻവെസ്റ്റർ പ്രൊട്ടക്ഷൻ ദേശീയ സമ്മേളനം ഓഗസ്റ്റ് 18, 19, 20 തീയതികളിൽ കോട്ടയം കുമരകം ഗോകുലം ഗ്രാൻഡ് റിസോർട്ടിൽ നടക്കും. പ്രമുഖ ചാർട്ടേർഡ് അക്കൗണ്ടന്റുമാർ, സാമ്പത്തിക വിദഗ്ധർ, നിക്ഷേപകർ, കമ്പനി മേധാവികൾ, ഷെയർ ബ്രോക്കേഴ്സ് തുടങ്ങിയവർ പങ്കെടുക്കും.

ഓഹരി വിപണിയിൽ നിന്ന് എങ്ങനെ നേട്ടങ്ങൾ കൊയ്യാം, ഏതൊക്കെ ഷെയറുകളിൽ ഇൻവെസ്റ്റ് ചെയ്യണം ഏതൊക്കെ ഷെയർ ഇൻവെസ്റ്റ് ചെയ്യേണ്ട, ഷെയർ മാർക്കറ്റിലും മറ്റു കമോഡിറ്റി മാർക്കറ്റുകളിലും ഇൻവെസ്റ്റ് ചെയ്യുന്നതിന് മുമ്പ് എന്തൊക്കെ പഠനങ്ങൾ നടത്തണം, ഏതൊക്കെ സെക്ടറുകളാണ് ഇപ്പോൾ നഷ്ടത്തിലുള്ളത്, ഏതൊക്കെ സെക്ടറുകളാണ് ഇപ്പോൾ ലാഭത്തിലുള്ളത്, മാർക്കറ്റുകളുടെ ലാഭനഷ്ട സാധ്യതകൾ അതിന്റെ ടാക്സ് അനന്തരഫലങ്ങൾ, കമോഡിറ്റി മാർക്കറ്റ്, ഡെറിവേറ്റീവ് മാർക്കറ്റ്, ഫ്യൂച്ചേഴ്സ്, ഓപ്ഷൻസ് തുടങ്ങിയ മേഖലകളെക്കുറിച്ചെല്ലാം വിശദമായ ക്ലാസുകൾ സെമിനാറിൽ നടക്കും. തോമസ് ചാഴികാടൻ എംപി ക്ലാസുകൾ ഉദ്ഘാടനം ചെയ്യും.

ഡയറക്റ്റ് ടാക്സും ക്യാപിറ്റൽ മാർക്കറ്റും എന്ന വിഷയത്തിൽ ഡോ. ഗിരീഷ് അഹുജ ,സാമ്പത്തിക വിപണിയിൽ നിന്നും ഓഹരി വിപണിയിൽ നിന്നും എങ്ങനെ നേട്ടം കൊയ്യാം എന്നതിനെക്കുറിച്ച് പ്രമുഖ സാമ്പത്തിക വിദഗ്ധനും അനലിസ്റ്റുമായ രുദ്ര മൂർത്തി, സാമ്പത്തിക മേഖലയിലെ പുതിയ സെക്ടറുകളെ കുറിച്ച് കമോഡിറ്റി എക്സ്ചേഞ്ച് മേധാവി രുചി ശുക്ല, മാർക്കറ്റുമായി ബന്ധപ്പെടുമ്പോൾ എന്തൊക്കെ നിയമപരമായ കാര്യങ്ങളാണ് ശ്രദ്ധിക്കേണ്ടത് എന്നതിനെക്കുറിച്ച് നാഷണൽ സ്റ്റോക്ക് എക്സ്ചേഞ്ച് വൈസ് പ്രസിഡണ്ട് രേണു ബണ്ടാരി തുടങ്ങിയവർ ക്ലാസുകൾ എടുക്കും.

കമ്മിറ്റി ഫോർ ക്യാപിറ്റൽ മാർക്കറ്റ് ആൻഡ് ഇൻവെസ്റ്റർ പ്രൊട്ടക്ഷൻ ചെയർമാൻ സി എ അനുജ് ഗോയൽ, റീജിയണൽ കൗൺസിൽ അംഗം പി. സതീശൻ, മുൻ ദേശീയ കൗൺസിൽ അംഗം ബാബു അബ്രാഹം കള്ളിവയലിൽ, മുൻ റീജിയണൽ കൗൺസിൽ അംഗം ജോമോൻ കെ ജോർജ് തുടങ്ങിയവർ ക്ലാസുകൾക്ക് നേതൃത്വം നൽകും. ഇൻസ്റ്റ്യൂട്ട് ഓഫ് ചാർട്ടേർഡ് അക്കൗണ്ടൻസ് ഓഫ് ഇന്ത്യ കോട്ടയം ബ്രാഞ്ച് ആതിഥ്യമരുളുന്ന മൂന്നു ദിവസത്തെ ഈ സെമിനാറിൽ ദേശീയ പ്രതിനിധികളും പങ്കെടുക്കും.

വാർത്താ സമ്മേളനത്തിൽ കോട്ടയം ബ്രാഞ്ച് ചെയർമാൻ സാബു തോമസ് ഊന്നുകല്ലേൽ, സെക്രട്ടറി കെ ബാലാജി, ട്രഷറർ ഷൈൻ ജോസഫ്, കമ്മിറ്റി അംഗം രമ്യ, വൈസ് ചെയർമാൻ പ്രേം സെബാസ്റ്റ്യൻ, സികാസ ചെയർമാൻ ശ്രീജിത്ത് എന്നിവർ സംസാരിച്ചു


വാർത്തകൾ

വാർത്തകൾ

Sign up for Newsletter



Copyright ©
All rights reserved by Metrovaartha.com

Tags

Download Apps

Google Play App Store
  • |
  • |
  • |
  • |
  •  

© Copyright Metro vaartha 2022 All rights reserved.

top