തിരുവനന്തപുരം: അതിശക്ത മഴയ്ക്ക് സാധ്യതയുള്ളതിനാല് ചൊവ്വാഴ്ച സംസ്ഥാനത്തെ നാല് ജില്ലകളില് കേന്ദ്ര കാലാവസ്ഥാ വകുപ്പ് ഓറഞ്ച് അലര്ട്ട് പ്രഖ്യാപിച്ചു. പത്തനംതിട്ട, കോട്ടയം, എറണാകുളം, ഇടുക്കി ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചത്.
ശക്തമായ മഴയ്ക്ക് സാധ്യതയുള്ളതിനാല് ആലപ്പുഴ, തൃശൂര്, കോഴിക്കോട്, കണ്ണൂര് ജില്ലകളില് യെലോ അലര്ട്ടും നല്കിയിട്ടുണ്ട്. അടുത്ത രണ്ടു ദിവസം കൂടി മഴ തുടരുമെന്നാണ് വിലയിരുത്തല്. കേരള ലക്ഷദ്വീപ് കര്ണാടക തീരങ്ങളില് മത്സ്യബന്ധനത്തിന് പോകാന് പാടില്ലെന്നും മുന്നറിയിപ്പുണ്ട്.
