വേനൽ മഴ: 3 ജില്ലകളിൽ യെലൊ അലർട്ട്, മത്സ്യബന്ധനത്തിന് വിലക്ക്

വെള്ളിയാഴ്ച ഉച്ചയ്ക്ക് ശേഷം തീരപ്രദേശങ്ങളിലും ഇടനാടുകളിലും മഴ ലഭിക്കുമെന്നും കാലാവസ്ഥാ നിരീക്ഷണ കേന്ദ്രം
വേനൽ മഴ: 3 ജില്ലകളിൽ യെലൊ അലർട്ട്, മത്സ്യബന്ധനത്തിന് വിലക്ക്

തിരുവനന്തപുരം: സംസ്ഥാനത്ത് വെ‌ള്ളിയാഴ്ചയും പരക്കെ മഴ തുടരുമെന്ന് കേന്ദ്ര കാലാവസ്ഥാ വകുപ്പ്. മൂന്നു ജില്ലകകളിൽ യെലൊ അലർട്ടും പ്രഖ്യാപിച്ചു. പത്തനംതിട്ട, ഇടുക്കി, എറണാകും ജില്ലകളിലാണ് കേന്ദ്ര കാലാവസ്ഥാവകുപ്പ് യെലൊ അലർട്ട് പ്രഖ്യാപിച്ചിരിയ്ക്കുന്നത്.

യെലൊ അലർട്ട് പ്രഖ്യാപിച്ചിട്ടുള്ള ദിവസം, ജില്ലകൾ:

26-05-2023: പത്തനംതിട്ട, എറണാകുളം, ഇടുക്കി

27-05-2023: പത്തനംതിട്ട, ആലപ്പുഴ, ഇടുക്കി

28-05-2023: പത്തനംതിട്ട, ഇടുക്കി

29-05-2023: ആലപ്പുഴ, കോട്ടയം, എറണാകുളം

ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്ററിൽ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്. ഇതുമൂലം കേരള, ലക്ഷദ്വീപ് തീരങ്ങളിൽ മത്സ്യബന്ധനത്തിന് പോകരുതെന്ന മുന്നറിയിപ്പുമുണ്ട്. വെള്ളിയാഴ്ച ഉച്ചയ്ക്ക് ശേഷം തീരപ്രദേശങ്ങളിലും ഇടനാടുകളിലും മഴ ലഭിക്കുമെന്നും കാലാവസ്ഥാ നീരിക്ഷണ കേന്ദ്രം അറിയിച്ചു.

അതേസമയം, ജൂൺ മാസത്തിൽ സാധാരണ അനുഭവപ്പെടുന്നതിനേക്കാൾ കൂടുതൽ ചൂട് അനുഭവപ്പെടാന്‍ സാധ്യതയുണ്ടന്നും കാലാവസ്ഥാ നീരിക്ഷണ കേന്ദ്രത്തിന്‍റെ ഏറ്റവും പുതിയ റിപ്പോർട്ടിൽ പറയുന്നു.

Related Stories

No stories found.

Latest News

No stories found.
logo
Metro Vaartha
www.metrovaartha.com