ശ്രീനഗർ: ജമ്മു കാശ്മീരിലെ റിയാസി ജില്ലയിലുണ്ടായ ഏറ്റുമുട്ടലിൽ ഒരു ഭീകരനെ വധിച്ചു.റിയാസി ജില്ലയിലെ ചസ്സാന പ്രദേശത്ത് രണ്ടു ഭീകരരുണ്ടെന്ന വിവരത്തെ തുടർന്ന് സൈന്യവും പൊലീസും ചേർന്ന് സംയുക്തമായി അന്വേഷണം നടത്തിയിരുന്നു. തുടർന്നുണ്ടായ ഏറ്റുമുട്ടലിൽ ഭീകരനെ വധിക്കുകയായിരുന്നു. ഏറ്റുമുട്ടലിൽ ഒരു പൊലീസ് ഉദ്യോഗസ്ഥന് പരിക്കേറ്റിട്ടുണ്ട്. അതേസമയം ഇപ്പോഴും ഏറ്റുമുട്ടൽ തുടരുകയാണെന്ന് ജമ്മു എഡിജിപി എക്സ് പ്ലാറ്റ്ഫോമിൽ കുറിച്ചു.
