ന്യൂഡൽഹി: വിമതനീക്കത്തിനില്ലെന്നും എൻസിപിയിൽ തന്നെ തുടരുമെന്നും അജിത് പവാർ. അഭ്യൂഹങ്ങളൊന്നും ശരിയല്ല. താൻ ഇപ്പോഴും പാർട്ടിക്കൊപ്പമാണ്. പാർട്ടി പറയുന്നത് മാത്രമേ താൻ ചെയ്യുകയുള്ളൂവെന്നും അദ്ദേഹം മാധ്യമങ്ങളോട് പ്രതികരിച്ചു.
എൻസിപിയിൽ ഭിന്നതയുണ്ടാക്കാനുള്ള ശ്രമങ്ങൾ വിലപോകില്ലെന്നും അദ്ദേഹം പറഞ്ഞു. അജിത് പവാറിന്റെ നേതൃത്വത്തിൽ എൻസിപിയിൽ വിമതനീക്കം നടക്കുന്നു എന്നായിരുന്നു അഭ്യൂഹങ്ങൾ. പാർട്ടി പിളർന്നേക്കുമെന്നും എൻ സി പിയിലെ എംഎൽഎമാരുമായി യോഗം ചേർന്ന് അജിത്ത് പവാർ ബിജെപിയിലേക്ക് പോകാനൊരുങ്ങുന്നു എന്ന അഭ്യൂഹവും ശക്തമായിരുന്നു. അതിനിടെ പാർട്ടി പിളർന്നേക്കുമെന്ന അഭ്യൂഹങ്ങൾ തള്ളി ശരദ് പവാറും രംഗത്തെത്തിയിരുന്നു.