ന്യൂഡൽഹി: ജഡ്ജിമാർക്ക് സ്ഥാനക്കയറ്റം നൽകിക്കൊണ്ടുള്ള ഗുജറാത്ത് സർക്കാരിന്റെ ഉത്തരവ് സുപ്രീം കോടതി സ്റ്റേ ചെയ്തു. 68 ജഡ്ജിമാരെ ജില്ലാ ജഡ്ജിമാരാക്കി നിയമനം നൽകിയ സർക്കാർ നടപടിയാണ് തടഞ്ഞിരിക്കുന്നത്. അപകീർത്തി കേസിൽ കോൺഗ്രസ് നേതാവ് രാഹുൽ ഗാന്ധിയെ ശിക്ഷിച്ച മജിസ്ട്രേറ്റും ഇതിൽ ഉൾപ്പെടുന്നു.
ജില്ലാ ജഡ്ജിമാരുടെ സ്ഥാനക്കയറ്റം സംബന്ധിച്ച കേസ് കോടതിയുടെ പരിഗണനയിലിരിക്കെ വിജ്ഞാപനം ഇറക്കിയതിനാണ് നടപടി. പട്ടികയിലുള്ളവർ പഴയ തസ്തികയിൽ തന്നെ തുടരണമെന്നും കോടതി നിർദേശിച്ചു. സ്ഥാനക്കയറ്റം യോഗ്യതയുടെയും സീനിയോറിറ്റിയുടെയും അടിസ്ഥാനത്തിലായിരിക്കണമെന്നും കോടതി.