March 2020 - 8:48 pm IST
Download Our Mobile App
വിലകുതിച്ച് സ്വര്‍ണം
Published:06 January 2020
കൊച്ചി: നിക്ഷേപകര്‍ക്ക് ഏറെ താത്പര്യമുള്ള മേഖലയെന്ന നിലയില്‍ സ്വര്‍ണം ഈ വര്‍ഷം നേട്ടംകൊയ്യുമെന്ന് സാമ്പത്തിക വിദഗ്ധര്‍ എല്ലാവരും കരുതിയിരുന്നു. എന്നാല്‍ അവരുടെ പ്രതീക്ഷകളെ മറികടന്ന് സ്വര്‍ണം കുതിക്കുകയാണ്. അമെരിക്ക ഇറാന്‍ ഉയര്‍ത്തിയിരിക്കുന്ന യുദ്ധഭീതിയാണ് സ്വർണത്തിന്‍റെ പുതിയ കുതിപ്പിന് കാരണം. കേരള വിപണിയില്‍ സ്വര്‍ണവില 30,000 കടന്ന് കുതിപ്പു തുടരുന്നു. ഇന്നലെ ഗ്രാമിന് 65 രൂപയും പവന് 520 രൂപയും ഉയര്‍ന്നു. ഇതോടെ വില ഗ്രാമിന് 3775 ഉം പവന് 30,200 രൂപയുമായി.
പുതുവര്‍ഷാരംഭത്തില്‍ 29,000 രൂപയായിരുന്നു സ്വര്‍ണവില. ആറു ദിവസങ്ങള്ക്കൊണ്ടാണ് വില 30,000 കടന്നത്. ഗ്രാമിന് 150 രൂപയും പവന് 1200 രൂപയും ഉയര്‍ന്നു. ശനിയാഴ്ച സ്വര്‍ണ വില പവന് 120 രൂപ ഉയര്‍ന്ന് 29,680 രൂപയായിരുന്നു. 29,080 രൂപയായിരുന്നു സംസ്ഥാനത്ത് ഡിസംബറിലെ ഏറ്റവും ഉയര്‍ന്ന സ്വര്‍ണ വില. 28,000 രൂപയാണ് കഴിഞ്ഞ മാസത്തെ ഏറ്റവും താഴ്ന്ന വില. 20 ദിവസംകൊണ്ട് സ്വര്‍ണവിലയിലുണ്ടായ വര്‍ധന 2,200 രൂപയാണ്.
രാജ്യാന്തര വിപണിയില്‍ വില കുതിക്കുന്ന സാഹചര്യത്തില്‍ വരും ദിവസങ്ങളിലും വില കൂടാനാണു സാധ്യത. ആഗോളവിപണികളിലെല്ലാം യുദ്ധഭീതിയുടെ സമര്‍ദം പ്രകടമാണ്. ഇതേ രീതിയില്‍ അവിടെയും സ്വര്‍ണവില വന്‍ കുതിപ്പാണു നടത്തുന്നത്. ഇന്ന് വ്യാപാരമാരംഭിച്ച് നിമിഷങ്ങള്‍ക്കുള്ളില്‍ സ്വര്‍ണവില 50 ഡോളറില് അധികം ഉയര്‍ന്നു. 3.5 ശതമാനമാണ് വര്‍ധന. ട്രോയ് ഔണ്‍സിന് (31.1 ഗ്രാം) 1577 ഡോളറാണ് ഇന്നലത്തെ വില.
അമെരിക്ക ഇറാന്‍ സംഘര്‍ഷത്തെത്തുടര്‍ന്ന് നിക്ഷേപകര്‍ വന്തോതില് സ്വര്‍ണം വാങ്ങിക്കൂട്ടുന്നതിനാല്‍ ഡിമാന്‍ഡ് ഉയരുകയാണ്. നിക്ഷേപകര്‍ ലാഭമെടുക്കുന്നതിനായി സ്വര്‍ണം വിറ്റഴിച്ചാല്‍ മാത്രമേ ഇനി വിലയില്‍ ചെറിയൊരു ഇടിവ് പ്രതീക്ഷിക്കേണ്ടതുള്ളു. കഴിഞ്ഞ ഒരു മാസം കൊണ്ട് സ്വര്‍ണവില 65 ഡോളര് ഉയര്ന്നപ്പോഴാണ് ഇന്നലെ മാത്രം വില 53 ഡോളര് ഉയര്‍ന്നത്.
വാർത്തകൾ
Quick Links
Categories
Tags
Download Apps
