25
February 2020 - 11:31 am IST

Download Our Mobile App

Flash News
Archives

National

arif-mohammad-khan

സുപ്രീം കോടതിയെ സമീപിച്ചത് ചട്ടങ്ങൾ ലംഘിച്ച്, സർക്കാരിനോട് വിശദീകരണം തേടും; ഗവർണർ

Published:17 January 2020

തന്‍റെ ചുമതല എന്താണെന്ന് ഭരണഘടനയിൽ വ്യക്തമാക്കിയിട്ടുണ്ട്. സർക്കാർ നടപടികൾ ഭരണഘടനയ്ക്ക് അനുസൃതമായിരിക്കണം. ഗവർണറുടെ അധികാരത്തെ മറികടന്ന് പ്രവർത്തിക്കാനാകില്ല. സർക്കാരിനോട് വിശദീകരണം തേടും.

ന്യൂഡൽഹി: പൗരത്വ നിയമത്തിനെതിരെ കോടതിയെ സമീപിക്കും മുൻപ് ഗവർണറെ അറിയിക്കാനുള്ള ബാധ്യത കേരളസർക്കാരിനുണ്ടെന്ന് ഗവർണർ ആരിഫ് മുഹമ്മദ് ഖാൻ. ഇക്കാര്യത്തിൽ സർക്കാരിനോട് വിശദീകരണം തേടുമെന്ന് അദ്ദേഹം പറഞ്ഞു. തന്‍റെ ചുമതല എന്താണെന്ന് ഭരണഘടനയിൽ വ്യക്തമാക്കിയിട്ടുണ്ട്. സർക്കാർ നടപടികൾ ഭരണഘടനയ്ക്ക് അനുസൃതമായിരിക്കണം. ഗവർണറുടെ അധികാരത്തെ മറികടന്ന് പ്രവർത്തിക്കാനാകില്ല. സർക്കാരിനോട് വിശദീകരണം തേടും.

കേന്ദ്ര നിയമത്തിനെതിരെ സുപ്രീം കോടതിയെ സമീപിക്കും മുൻപ് അക്കാര്യം ഔദ്യോഗികമായി അറിയിക്കണം. അത് മുഖ്യമന്ത്രിയുടെ ബാധ്യതയാണ്. റൂൾസ് ഓഫ് ബിസിനസും ചട്ടങ്ങളും വായിച്ചാണ് സര്‍ക്കാരിനെതിരായ നിലപാട്  ഗവര്‍ണര്‍ വിശദീകരിച്ചത്. സര്‍ക്കാര്‍ നടപടികൾ ഭരണഘടനാപരമാണോ എന്ന് പരിശോധിക്കുന്നതാണ് ഗവര്‍ണറുടെ ചുമതല. നിയമവും ഭരണഘടനയും എല്ലാവരേക്കാളും മുന്നിലാണ്. ഗവര്‍ണര്‍ എന്നനിലയിൽ നിയമപ്രകാരം മാത്രമാണ് പ്രവര്‍ത്തിച്ചത്.

പൗരത്വ നിയമ ഭേദഗതിക്കെതിരെ നിയമസഭ പ്രമേയം പാസാക്കിയതിന് എതിരായ വിമർശനം ഗവർണർ ആവർത്തിച്ചു. അധികാരമില്ലാത്ത കാര്യമാണ് നിയമസഭ ചെയ്തത്. രാഷ്ട്രപതി ഒപ്പിട്ടു രാജ്യത്തിന്‍റെ നിയമമായി മാറിയ കാര്യത്തെ സംരക്ഷിക്കൽ തന്‍റെ ഉത്തരവാദിത്തമാണ്. താൻ സർക്കാരിന്‍റെയല്ല, രാഷ്ട്രപതിയുടെ പ്രതിനിധിയാണ്- ഗവർണർ പറഞ്ഞു.


വാർത്തകൾ

Sign up for Newsletter



top