April 2021 - 4:52 pm IST
Download Our Mobile App
- CITY
ഇഎംസിസി കരാർ നീക്കം പൊളിച്ചതിൽ മുഖ്യമന്ത്രിക്ക് അരിശമാണെന്ന് ചെന്നിത്തല
Published:01 March 2021
തിരുവനന്തപുരം: ഇഎംസിസി കരാർ നീക്കം പൊളിച്ചതിൽ മുഖ്യമന്ത്രിക്ക് അരിശമാണെന്ന് പ്രതിപക്ഷനേതാവ് രമേശ് ചെന്നിത്തല പറഞ്ഞു. മുഖ്യമന്ത്രി ജനങ്ങളെ തെറ്റിദ്ധരിപ്പിക്കുകയാണ്. പ്രതിപക്ഷം ഉള്ളതിനാൽ മുഖ്യമന്ത്രിയുടെ ഗൂഢപദ്ധതികൾ പൊളിഞ്ഞുവെന്നും ചെന്നിത്തല വാർത്താസമ്മേളനത്തിൽ പറഞ്ഞു. മത്സ്യത്തൊഴിലാളികളെ വഞ്ചിക്കാനും കടൽ വിൽക്കാനും ശ്രമിച്ച സർക്കാരാണിത്. ഈ സർക്കാർ ഇപ്പോഴും ഒളിച്ചുകളി തുടരുകയാണ്. ഇഎംസിസി ഫയൽ മന്ത്രി ജെ. മേഴിസിക്കുട്ടിയമ്മ രണ്ടുതവണ കണ്ടിരുന്നു.
2019 ഒക്ടോബർ 21നും നവംബറിലും മന്ത്രി ഫയൽ കണ്ടു. എന്നാൽ ഫയൽ കണ്ടില്ലെന്ന് മന്ത്രി കള്ളം പറയുകയാണ്. കെഎസ്ഐഎൻഎൽ എംഡി പ്രശാന്തല്ല തനിക്ക് വിവരം നൽകിയതെന്ന്. മത്സ്യത്തൊഴിലാളി സംഘടനാ നേതാവാണ് ഈ അഴിമതിയെ സംബന്ധിച്ച് വിവരം തന്നത്. ഐശ്വര്യ കേരള യാത്രക്കിടെ ആലപ്പുഴയിൽ വെച്ച് കേരള സ്വതന്ത്ര മത്സ്യത്തൊഴിലാളി യൂണിയന്‍റെ ജാക്സൺ പൊള്ളയിലാണ് ആഴക്കടൽ മത്സ്യബന്ധന വിഷയം തന്നോട് പറഞ്ഞതെന്ന് ചെന്നിത്തല പറഞ്ഞു.
പിന്നീട് താൻ ഇത് വിശദമായി അന്വേഷിച്ചുവെന്നും ചെന്നിത്തല പറഞ്ഞു. ഫയൽ കണ്ടില്ലെന്നു പറഞ്ഞ ഫിഷറീസ് മന്ത്രി മറുപടി പറയണം. മേഴ്‌സികുട്ടിയമ്മ തുടക്കം മുതൽ കള്ളം പറയുകയാണ്. മുഖ്യമന്ത്രിയും കള്ളം പറയുന്നു. ഫയൽ പുറത്ത് വിടാൻ മുഖ്യമന്ത്രിയെ വെല്ലുവിളിക്കുന്നുവെന്നും ചെന്നിത്തല പറഞ്ഞു.
വാർത്തകൾ
Quick Links
Categories
Tags
Download Apps
