Metro Vaartha Logo English | Malayalam | E-PAPER | ADVERTISE WITH US
03
December 2021 - 11:46 am IST

Download Our Mobile App

News Sports About Movies Business Viral Video Astro Lifestyle Columns Health Youth Woman
Flash News
Archives

Comment

സരിൻ മോഹന്‍റെ  കുടുംബത്തെ പ്രതിപക്ഷനേതാവ്  സന്ദർശിച്ചപ്പോൾ

സാമ്പത്തികരംഗം തകർത്തതിന്‍റെ ഉത്തരവാദിത്വത്തിൽ നിന്ന് സർക്കാരിന് ഒഴിഞ്ഞു മാറാനാകില്ല; വി.ഡി സതീശൻ

Published:21 October 2021

തിരഞ്ഞെടുപ്പിന് മുൻപ് വായ്പകൾക്ക് മൊറട്ടോറിയം ഉൾപ്പടെയുള്ള നടപടികൾ പ്രഖ്യാപിച്ച സർക്കാർ തിരഞ്ഞെടുപ്പിന് ശേഷമുള്ള രണ്ടാം ലോക്ക് ഡൌൺ കാലത്ത് നോക്കുകുത്തിയായിരുന്നു. രാഷ്ട്രീയ നേതൃത്വത്തിന്റെ വിവേചനം ഉപയോഗിക്കാതെ ഉദ്യോഗസ്ഥർ എഴുതി നൽകിയ അശാസ്ത്രീയമായ നിയന്ത്രണങ്ങൾ ഏർപ്പെടുത്തി സാമ്പത്തിക രംഗം ആകെ തകർത്തതിന്റെ ഉത്തരവാദിത്വത്തിൽ നിന്ന് സർക്കാരിന് ഒഴിഞ്ഞു മാറാൻ കഴിയില്ല.

കോട്ടയം ദീർഘവീക്ഷണമില്ലാതെ നടപ്പാക്കിയ ലോക്ക് ഡൌൺ സൃഷ്‌ടിച്ച സാമ്പത്തിക പ്രതിസന്ധിയുടെ രക്തസാക്ഷിയാണ് കോട്ടയം കുറിച്ചിയിലെ ഹോട്ടൽ വ്യാപാരി സരിൻ മോഹനെന്ന് വി.ഡി സതീശൻ. അദ്ദേഹം തന്‍റെ മരണത്തിനു മുൻപ് ഫേസ്‌ബുക്കിൽ കുറിച്ചത് ആത്മഹത്യാ കുറിപ്പായിരുന്നില്ല, ഈ സർക്കാരിനെതിരെ ഉള്ള കുറ്റപത്രം ആയിരുന്നു.

കൊവിഡ് മഹാമാരി ഉണ്ടാക്കിയ സാമ്പത്തിക പ്രതിസന്ധിയിൽ പെട്ട സംരംഭകരേയും സാധാരണക്കാരെയും സംരക്ഷിക്കാൻ നടപടി വേണമെന്ന് പ്രതിപക്ഷം ആവർത്തിച്ച് സഭയിലും പുറത്തും ആവശ്യപ്പെട്ടതാണ്. എല്ലാ മേഖലയും തകർന്നടിയുമ്പോൾ അതിന്‍റെ ആഘാതം ഒരു ദുരന്ത നിവാരണ കമ്മീഷനെ നിയോഗിച്ച് പഠിച്ച്‌ പരിഹാരനടപടികൾ വേണമെന്ന് ആവശ്യപ്പെട്ടിരുന്നു. എന്നാൽ അതെല്ലാം ബധിരകർണ്ണങ്ങളിലാണ് പതിച്ചത്.

തിരഞ്ഞെടുപ്പിന്‍റെ ആനുകൂല്യമാണ് ആദ്യ ലോക്ക് ഡൌൺ കാലത്ത് സർക്കാർ ജനങ്ങൾക്ക് നൽകിയതെന്ന് പിന്നീടുള്ള നടപടികൾ കാണുമ്പോൾ വ്യക്തമാണ്. തിരഞ്ഞെടുപ്പിന് മുൻപ് വായ്പകൾക്ക് മൊറട്ടോറിയം ഉൾപ്പടെയുള്ള നടപടികൾ പ്രഖ്യാപിച്ച സർക്കാർ തിരഞ്ഞെടുപ്പിന് ശേഷമുള്ള രണ്ടാം ലോക്ക് ഡൌൺ കാലത്ത് നോക്കുകുത്തിയായിരുന്നു. രാഷ്ട്രീയ നേതൃത്വത്തിന്റെ വിവേചനം ഉപയോഗിക്കാതെ ഉദ്യോഗസ്ഥർ എഴുതി നൽകിയ അശാസ്ത്രീയമായ നിയന്ത്രണങ്ങൾ ഏർപ്പെടുത്തി സാമ്പത്തിക രംഗം ആകെ തകർത്തതിന്റെ ഉത്തരവാദിത്വത്തിൽ നിന്ന് സർക്കാരിന് ഒഴിഞ്ഞു മാറാൻ കഴിയില്ല. അതിന്റെ ഇരയാണ് സരിൻ. നാൽപതിന് മേലെ പേരാണ് കോവിഡ് മഹാമാരി ഉണ്ടാക്കിയ സാമ്പത്തിക പ്രതിസന്ധിയിൽ സംസ്ഥാനത്ത് ആത്മഹത്യ ചെയ്തത്. സർക്കാർ ഇനിയെങ്കിലും കണ്ണ് തുറക്കണം. ഓരോ മേഖലയിലും ഉണ്ടായിട്ടുള്ള പ്രതിസന്ധി പഠിച്ച് നടപടികളെടുക്കണം.


വാർത്തകൾ

വാർത്തകൾ

Sign up for Newsletter



Copyright ©
All rights reserved by Metrovaartha.com
top