കൊച്ചി: സംസ്ഥാനത്ത് സ്വർണവിലയിൽ വൻ ഇടിവ്. പവന് വിലയിൽ വെള്ളിയാഴ്ച മാത്രം രണ്ടായിരത്തിലധികം രൂപ കുറഞ്ഞു. സ്വർണം വാങ്ങാൻ കാത്തിരിക്കുന്നവർക്ക് ഇതൊരു ആശ്വാസ വാർത്തയാണ്.

ഗ്രാമിന് 335 രൂപയും പവന് 2680 രൂപയുമാണ് കുറഞ്ഞത്. ഇതോടെ ഒരു ഗ്രാം സ്വർണത്തിന് 13,370 രൂപയും പവന് 1,06,960 രൂപയുമായി കുറഞ്ഞു. രാജ്യാന്തര വിപണിയിൽ സ്വർണവില നാലു ശതമാനത്തോളം ഇടിഞ്ഞതാണ് കേരളത്തിലും പ്രതിഫലിച്ചത്.