സമൂഹമാധ‍്യമങ്ങളിൽ തനിക്കെതിരേ ഉയരുന്ന ട്രോളുകളോട് പ്രതികരിച്ച് സെലിബ്രിറ്റി മേക്കപ്പ് ആർടിസ്റ്റ് ജാൻമണി ദാസ്. കളിയാക്കലുകൾ തന്നെ ബാധിക്കാറില്ലെന്നും താൻ ആസ്വദിക്കാറാണുള്ളതെന്നുമാണ് ജാൻമണി പറയുന്നത്. നമ്മൾ‌ ചിരിച്ച് കളിച്ച് ഇരിക്കണമെന്നും കൊച്ചുപ്രേമൻ‌ എന്ന് വിളിച്ച് കളിയാക്കുന്നതും തനിക്ക് കുഴപ്പമില്ലെന്നും ജാൻമണി പറയുന്നു.

കേരളം വിട്ട് പോകാൻ തനിക്ക് കുറേ കമന്‍റ്സ് വരാറുണ്ടെന്നും എന്നാൽ താൻ കേരളം വിട്ട് പോകില്ലെന്നും ജാൻമണി വ‍്യക്തമാക്കി. രഞ്ജിനി ഹരിദാസിനൊപ്പമുള്ള ചിറ്റ് ചാറ്റ് ഷോയിൽ സംസാരിക്കവെയായിരുന്നു ട്രോളുകളെ പറ്റിയുള്ള ചോദ‍്യത്തിന് ജാൻമണി പ്രതികരിച്ചത്. അന്തരിച്ച കലാകാരൻ കൊച്ചു പ്രേമനുമായി സാമ‍്യമുണ്ടെന്ന് ചൂണ്ടിക്കാട്ടി നേരത്തെയും ജാൻമണിക്ക് പരിഹാസം നേരിടേണ്ടി വന്നിട്ടുണ്ട്.