തൃശൂർ: സിനിമാ ചിത്രീകരണത്തിനെത്തിയ സംഘത്തിലെ ക്യാമറ അസിസ്റ്റന്‍റിനെ മരിച്ച നിലയിൽ കണ്ടെത്തി. മലപ്പുറം ചങ്ങരംകുളം സ്വദേശി കല്ലൂർ ജാഫർ (51) ആണ് മരിച്ചത്. താമസിച്ചിരുന്ന വീട്ടിലെ ശുചിമുറിയിൽ മരിച്ച നിലയിൽ കണ്ടെത്തുകയായിരുന്നു.

കൊടുങ്ങല്ലൂരിലെ ലോകമലേശ്വത്താണ് സംഘം വാടകയ്ക്ക് താമസിച്ചിരുന്നത്. തിങ്കളാഴ്ച രാത്രിയിലാണ് താമസിച്ചിരുന്ന വീടിന്‍റെ ശുചിമുറിയിൽ മൃതദേഹം കണ്ടെത്തിയത്. സംഭവത്തിൽ പൊലീസ് അന്വേഷണം ആരംഭിച്ചു.