കൊച്ചി: റിവ്യൂ ബോംബിങ്ങിനെതിരേ നിയമനടപടിക്ക് ഫിലിം ചേംബർ. സിനിമകളെ തകർക്കുന്ന റിവ്യൂ അനുവദിക്കില്ലെന്നും സർക്കാരിന്‍റെ ശ്രദ്ധയിൽ വിഷയം പെടുത്തുമെന്നും ഫിലിം ചേംബർ പ്രസിഡന്‍റ് അനിൽ വി. തോമസ് പറഞ്ഞു.

നടൻ മാധവ് സുരേഷിനെ അധിക്ഷേപിച്ച യൂട്യൂബർ അശ്വന്ത് കോക്കിനെതിരേ സൈബർ പൊലീസിൽ പരാതി നൽകാനാണ് നീക്കം. പണം വാങ്ങി റിവ്യൂ ചെയ്തെന്നാണ് ആരോപണം. അങ്കം അട്ടഹാസം എന്ന സിനിമയുടെ നെഗറ്റീവ് റിവ്യൂ ചെയ്യാതിരിക്കാൻ അസ്വന്ത് കോക്ക് പണം ആവശ്യപ്പെട്ടതായാണ് ആരോപണം. അതേസമയം, അമ്മയിലെ വിവാദം നിർഭാഗ്യകരമാണെന്നും പൊതുജനങ്ങൾക്കിടയിൽ അവമതിപ്പുണ്ടാക്കുമെന്നും പ്രസിഡന്‍റ് പ്രതികരിച്ചു.