മുംബൈ: മറാത്തി സിനിമാ നടൻ തുഷാർ ഘടി‌ഗാവോങ്കർ ജീവനൊടുക്കി. 32 വയസ്സായിരുന്നു. വെള്ളിയാഴ്ചയാണ് തുഷാറിനെ മരിച്ച നിലയിൽ കണ്ടെത്തിയത്. സിനിമകൾ കുറഞ്ഞതു മൂലം കടുത്ത മാനസിക സമ്മർദം അനുഭവിച്ചിരുന്നതായാണ് റിപ്പോർട്ടുകൾ. മൻ കസ്തൂരി രേ എന്ന ചിത്രത്തിൽ തേജസ്വി പ്രകാശിനൊപ്പം തുഷാർ അവതരിപ്പിച്ച കഥാപാത്രം ശ്രദ്ധേയമായിരുന്നു.

ബാഹുബലി, സോമ്പിവിലി എന്നീ ചിത്രങ്ങളിലും അഭിനയിച്ചിട്ടുണ്ട്. തുസി മാസി യാരി എന്ന ഷോ സംവിധാനം ചെയ്തിരുന്നതും തുഷാർ ആയിരുന്നു. ഘണ്ടാ നാദ് പ്രൊഡക്ഷൻസ് എന്ന പരിൽ സ്വന്തമായി ബാനറുമുണ്ടായിരുന്നു.