കൊച്ചി: സ്വന്തം സിനിമയുടെ റിലീസ് ദിനത്തിൽ സിനിമാ തിയെറ്ററിലേക്ക് സാരിയുടുത്തെത്തി ആരാധകരെയും സഹപ്രവർത്തകരെയും വിസ്മയിപ്പിച്ച് സംവിധായകൻ രാജസേനൻ. രാജസേനൻ സംവിധാനം ചെയ്ത ഞാനും പിന്നൊരു ഞാനും എന്ന ചിത്രത്തിന്റെ പ്രൊമോഷനു വേണ്ടിയാണ് സംവിധായകൻ കൊച്ചിയിലെ തിയെറ്ററിലേക്ക് സാരിയിൽ അതിസുന്ദരിയായി എത്തിയത്.
ചുവന്ന സാരിക്കൊപ്പം ചുവന്ന പൊട്ടു കുത്തി, ഭംഗിയുള്ള മാലകളും, വളയും കമ്മലും ധരിച്ച് അൽപ്പം നരച്ചു തുടങ്ങിയ നീണ്ട മുടി അഴിച്ചിട്ടാണ് രാജസേനൻ തിയെറ്ററിലെത്തിയത്. ഏഴു വർഷത്തിനു ശേഷം രാജസേനൻ സംവിധായകനാകുന്ന ചിത്രമാണ് ഞാനും പിന്നൊരു ഞാനും. ഇന്ദ്രൻസ്, സുധീർ കരമന, ജോയ് മാത്യു, മീര നായർ, ആരതി നായർ എന്നിവരാണ് ചിത്രത്തിൽ പ്രധാന വേഷത്തിലെത്തുന്നത്.