ദൈവപുത്രനെ വാഴ്ത്തിപ്പാടി കേന്ദ്രമന്ത്രി സുരേഷ് ഗോപിയും ഭാര്യ രാധികയും. ഇരുവരും ചേർന്ന് ആലപിച്ച 'ദൈവപുത്രന്റെ യാഗം" എന്ന സംഗീത ആൽബം ഫെയ്സ്ബുക്കിലൂടെ സുരേഷ് ഗോപിയാണ് റിലീസ് ചെയ്തത്. മാനവരാശിയുടെ രക്ഷയ്ക്കായി ദൈവപുത്രൻ കാൽവരിയിൽ സ്വയം ബലിയായി മാറിയ ഈ പുണ്യദിനത്തിൽ, പ്രാർത്ഥനാപൂർവ്വം ഒരു സംഗീത സമർപ്പണം നിങ്ങളിലേക്ക് എത്തിക്കുന്നു. "ഗോൽഗോഥാ തൻ മുകളിൽ ബലി തൻ പീഠമൊരുങ്ങി മർത്യ പാപം നീക്കാനായി ദൈവപുത്രന്‍റെ യാഗം..."

​ലോകത്തിന്‍റെ നോവുകൾ നീങ്ങാനും സ്നേഹവും സമാധാനവും പുലരാനുമുള്ള ഈ പ്രാർത്ഥന നിങ്ങളിലേക്കും പകരട്ടെ എന്ന് ആശംസിക്കുന്നു. എന്ന കുറിപ്പോടെയാണ് സുരേഷ് ഗോപി ലിങ്ക് പങ്കു വച്ചിരിക്കുന്നത്.

ഇരുവരും ചേർന്ന് മനോഹരമായി ആലപിച്ചിരിക്കുന്ന ഗാനം ഫാ. ജോയൽ പണ്ടാരപ്പറമ്പിലാണ് എഴുതിയിരിക്കുന്നത്. ജേക്സ് ബിജോയ്, മനീഷ് ഷാജി എന്നിവരാണ് സംഗീത സംവിധായകർ.