തിരുവനന്തപുരം: സംസ്ഥാനത്ത് ഇൻഫ്ലുവൻസ ബാധിക്കുന്നവരുടെ എണ്ണം വർധിക്കുന്നു. 105 പേരാണ് ഈ വർഷം ഇൻഫ്ലുവൻസ ബാധിച്ച് മരിച്ചത്. മൂന്ന് മാസത്തിനിടെ പതിനായിരക്കണക്കിന് പേർക്കാണ് അസുഖം ബാധിച്ചിരിക്കുന്നത്. ഇൻഫ്ലുവൻസ എ എന്ന വൈറസുകളാണ് അസുഖത്തിന് കാരണം.

കാലാവസ്ഥാ വ്യതിയാനമാണ് ഇൻഫ്ലുവൻസ പടരാനുള്ള മറ്റൊരു കാരണം. രോഗിയുമായി അടുത്ത ബന്ധം പുലർത്തുന്നവർക്ക് അസുഖം പകരാൻ ഇടയുണ്ട്. ശ്വാസകോശത്തെയാണ് വൈറസ് ഗുരുതരമായി ബാധിക്കുന്നത്. പ്രായമായവരെയും പ്രതിരോധശേഷി കുറവുള്ളവരെയും അസുഖം കാര്യമായി ബാധിക്കും.

ലക്ഷണങ്ങൾ

• പെട്ടെന്നുണ്ടാകുന്ന കടുത്ത പനി, വിറയൽ

• വരണ്ട ചുമ

• കടുത്ത തലവേദനയും ശരീരവേദനയും സന്ധി വേദനയും

• തൊണ്ട വേദന

• അസാധാരണമായ ക്ഷീണം

പ്രതിരോധം

• നന്നായി വെള്ളം കുടിക്കുക

• വിശ്രമം ഉറപ്പാക്കുക

• ചികിത്സ തേടുക

• വർഷാവർഷം ഫ്ലൂ വാക്സിൻ എടുക്കുക

• മാസ്കുകൾ ധരിച്ച് പൊതു സ്ഥലങ്ങളിൽ ഇറങ്ങുക