തെന്നിന്ത്യക്കാർക്കിടയിൽ ഇന്നു സർവ സാധാരണമാണ് ടൈപ്പ്-2 പ്രമേഹം. മധുരം ധാരാളം ഉപയോഗിക്കുമെങ്കിലും ഉത്തരേന്ത്യക്കാർക്കിടയിൽ പ്രമേഹം വില്ലനാകാറില്ല. അവരുടെ ഭക്ഷണക്രമം തന്നെയാണ് അതിനു കാരണം. ചെറു ധാന്യങ്ങളും പച്ചക്കറികളും ധാരാളം ഉപയോഗിക്കുന്ന അവർ ചോറ് ഉപയോഗിക്കുന്നതു കുറവാണ് എന്നതാണ് അതിന്‍റെ മുഖ്യകാരണം.

ടൈപ്പ്-2 പ്രമേഹം നിയന്ത്രണാതീതമായാൽ ശരീരം പ്രകടിപ്പിക്കുന്ന ലക്ഷണങ്ങൾ :

1. അമിതദാഹം: വല്ലാത്ത പരവേശവും ദാഹവും ടൈപ്പ്-2 പ്രമേഹ രോഗികളിൽ ഉണ്ടാകുന്നുണ്ടെങ്കിൽ ശ്രദ്ധിക്കുക.നിങ്ങളുടെ പ്രമേഹം നിയന്ത്രണാതീതമായിരിക്കുന്നു.

2. അമിത വിശപ്പ്: എത്ര കഴിച്ചാലും വിശപ്പു മാറുന്നില്ലെങ്കിലും മനസിലാക്കാം പ്രമേഹം നിയന്ത്രണാതീതമല്ല.

3. തളർച്ച: എവിടെയെങ്കിലും കിടക്കാൻ തോന്നുക, വല്ലാത്ത തളർച്ച അനുഭവപ്പെടുക ഇതെല്ലാം പ്രമേഹം നിയന്ത്രണാതീതമാകുന്നതിന്‍റെ ലക്ഷണങ്ങളാണ്.

4. പെട്ടെന്ന് കാഴ്ച മങ്ങുന്നത്: നിനച്ചിരിക്കാതെ പെട്ടെന്ന് നിങ്ങളുടെ കാഴ്ച മങ്ങിയതായി കാണുന്നെങ്കിൽ വേഗം ഡോക്റ്ററെ കാണുക.കാരണം ഉയർന്ന പ്രമേഹമാകാം കാരണം.

5. വരണ്ട കണ്ണുകൾ: പ്രമേഹം നിയന്ത്രണാതീതമാകുമ്പോളാണ് കണ്ണുകൾക്ക് വരൾച്ച അനുഭവപ്പെടുന്നത്.

പ്രതിവിധികൾ:

1. മുരിങ്ങയില സ്ഥിരമായി ഉപയോഗിക്കുന്നത് കണ്ണിന്‍റെ കാഴ്ചയ്ക്കും പ്രമേഹ നിയന്ത്രണത്തിനും സഹായിക്കും.

2. ദിവസവും രണ്ടു നെല്ലിക്ക വീതം കഴിക്കുക. കൂടാതെ ആറു ഗ്ലാസ് വെള്ളവും കുടിക്കുക. ഇത് പ്രമേഹത്തെ അകറ്റാനും ആരോഗ്യം വർധിപ്പിക്കാനും സഹായിക്കും.

3. പഞ്ഞപ്പുല്ല് / റാഗി ഒരു നേരം ഭക്ഷണമാക്കുക. അപ്പം, ദോശ, പുട്ട് ഇങ്ങനെ എന്തു വേണമെങ്കിലും റാഗി പൊടി കൊണ്ട് ഉണ്ടാക്കാവുന്നതേ ഉള്ളു. ഇത് ഉപയോഗിക്കുമ്പോൾ ധാരാളം വെള്ളം കുടിക്കണം എന്നതു മാത്രമേ ശ്രദ്ധിക്കേണ്ടൂ. പ്രമേഹത്തെ നിയന്ത്രിക്കാനും ഗ്ലൈസെമിക് ഇൻഡെക്സ് കുറയ്ക്കാനും റാഗി സഹായിക്കും.