തൃശൂർ: ലോകത്ത് 12 ദശലക്ഷത്തിലധികം ആളുകൾ രാജ്യരഹിതരാണെന്നാണ് കണക്ക്. സ്വന്തം രാജ്യത്ത് പോലും പരിഗണിക്കപ്പെടാതെ മാറ്റി നിർത്തപ്പെട്ടവരുടെ ശബ്ദമായി മാറിക്കൊണ്ടാണ് ഉദ്ഘാടന നാടകം അപ്ത്രിദാസ് അഥവാ സ്റ്റേറ്റ്ലെസ് (ദേശമില്ലാത്തവർ) 2024ലെ അന്താരാഷ്‌ട്ര നാടകോത്സവമായ ഇറ്റ്ഫോക്കിലെത്തുന്നത്.

ഗ്രീക്ക്‌ ഇതിഹാസ കഥാപാത്രങ്ങളായ കസാന്ദ്ര, ഹെക്യൂബ, പ്രൊമിത്യൂസ്, ഹെർക്കുലീസ് എന്നീ കഥാപാത്രങ്ങളുടെ പ്രചോദനം ഉൾക്കൊണ്ട്, ദുരന്തങ്ങളുടെ ശകലങ്ങളെ അടിസ്ഥാനമാക്കി, നാടകകൃത്ത് കരീന കാസുസെല്ലി എഴുതിയ ഒരു മൾട്ടിമീഡിയ ഷോയാണ് അപ്ത്രിദാസ്. നാല് പുരാണ കഥാപാത്രങ്ങൾ അധികാരം, വിയോജിപ്പ്, വിദ്വേഷം, അനീതി എന്നിവയുടെ ബന്ധങ്ങൾ അവതരിപ്പിക്കുന്നു. അത് ക്രൂരമായ പ്രതികാരത്തിനും ദാരുണമായ വിധികൾക്കും വഴിയൊരുക്കുന്നു. നാല് മൊണോലോഗുകളിൽ കൂടിയാണ് ഈ സമകാലിക രാഷ്‌ട്രീയ നാടകം കടന്നു പോവുന്നത്.സമകാലിക പ്രശ്നങ്ങൾ ലോകത്തിന് മുന്നിൽ തുറന്നിടുന്ന ലെനേഴ്സൺ പൊലോനിനി സംവിധാനം ചെയ്ത അപ്ത്രിദാസ് എന്ന ബ്രസീലിയൻ നാടകം പോർച്ചുഗീസ് ഭാഷയിലാണ്.

ഭയത്തിന്‍റെ നിർമാണത്തെ സമൂഹത്തിന്‍റെവലിയ പരിവർത്തന തിന്മയായി കണക്കാക്കണമെന്ന സിഗ്മണ്ട് ബൗമാന്‍റെ പ്രസ്താവനയാണ് നാടകത്തിന്‍റെ മുഖ്യ ആശയം. രാഷ്‌ട്രങ്ങൾക്ക് കാര്യങ്ങളുടെ ഗതിയിൽ സ്വാധീനം നഷ്‌ടപ്പെടുകയും ലോകത്തെ നയിക്കുന്നതിനുള്ള എല്ലാ മാർഗങ്ങളും ആഗോളവൽക്കരണ ശക്തികൾക്ക് ഏൽപ്പിക്കുകയും ചെയ്യുന്ന ഈ കാലഘട്ടത്തിൽ, എല്ലാത്തരം ഭയത്തിനുമെതിരെ സമാന്തരമായി പുരോഗമനമെന്ന ആശയം പങ്കിട്ടുകൊണ്ടാണ് അപ്ത്രിദാസ് ആസ്വാദകാർക്ക് മുന്നിലെത്തുന്നത്.

മനുഷ്യാവകാശങ്ങളുടെ സാർവത്രിക പ്രഖ്യാപനം ഉറപ്പുനൽകുന്ന ദേശീയതയ്ക്കുള്ള അവകാശം ലംഘിക്കുന്ന, നിയമങ്ങൾക്കു പുറത്തുള്ള, മനുഷ്യ അന്തസ്സിനു താഴെയുള്ള, സ്ഥാനമില്ലാത്ത, സ്വീകരിക്കപ്പെടാത്ത ഒരു രാജ്യം. ദേശീയത ആരോപിക്കാത്ത നിയമങ്ങളുള്ള സംസ്ഥാനങ്ങളുടെ പ്രദേശത്ത് ജനിച്ച വംശീയ ന്യൂനപക്ഷങ്ങളിൽ പെട്ട ആളുകൾ. അതിനാൽ തന്നെ സ്ഥിരതയില്ലാത്ത അവർ അദൃശ്യരും പാർശ്വവൽക്കരിക്കപ്പെട്ടവരും അജ്ഞാതരുമായി തുടരുന്നതിനാൽ, മിക്ക ആളുകളും ഈ അവസ്ഥ മനസിലാക്കുന്നില്ല.

2015ൽ ഗ്രീസിനും പഴയ റിപ്പബ്ലിക് യുഗോസ്ലാവ് മാസിഡോണിയയ്ക്കും ഇടയിലെ അതിർത്തിയിലുള്ള ഗ്രീക്ക് ഗ്രാമമായ ഇഡോമെനിയിൽ, യൂറോപ്യൻ യൂണിയന്‍റെ"നിയന്ത്രണ നയം" കാരണം കുടിയേറ്റക്കാരും അഭയാർഥികളും മാസങ്ങളോളം കുടുങ്ങി. ഇവർ കാടിനുള്ളിലും റെയിൽവേ സ്റ്റേഷനിലും തുറസ്സായ സ്ഥലങ്ങളിലും മറ്റും പാർപ്പിടമോ ഭക്ഷണമോ സാനിറ്ററി സൗകര്യങ്ങളോ ഇല്ലാതെ ദുരിതത്തിന് വിധേയരായി. യൂറോപ്യൻ യൂണിയൻ കണക്കുകൾ പ്രകാരം 2016 മെയ് മുതൽ 2018 ജൂലൈ വരെ ഏകദേശം 71,600 അഭയാർഥികൾ കടൽ മാർഗം ഗ്രീസിലെത്തി.ഇത്തരത്തിൽ ദേശമില്ലാതാകുന്നവരുടെ വിഷയങ്ങൾ തുറന്നുകാട്ടാനും ചർച്ച ചെയ്യാനും ലക്ഷ്യമിട്ടുകൊണ്ടാണ് അപ്ത്രിദാസ് പ്രോജക്റ്റ് മുന്നോട്ട് വരുന്നത്.

നമ്മുടെ കാലത്തെ സംഘർഷങ്ങൾക്കും വൈരുദ്ധ്യങ്ങൾക്കും കാരണമാകുന്ന, രാജ്യത്ത് പ്രതിഫലിക്കുന്ന പ്രശ്നങ്ങൾ. ഒരു സ്ഥലത്തു പെടാത്തതും ഐഡന്‍റിറ്റി റഫറൻസുകളില്ലാത്തതുമായ പരിമിതമായ സാഹചര്യം കഥാപാത്രങ്ങളിൽ കടന്നുകയറുകയും സാമൂഹിക ജീവിക്കപ്പുറം ചോദ്യങ്ങൾ അവതരിപ്പിക്കുകയും ഒരു മനുഷ്യനെ നിർവചിക്കുന്നതെന്താണെന്ന് ചിന്തിക്കാൻ നമ്മെ പ്രേരിപ്പിക്കുകയും ചെയ്യുന്ന നാടകമാണ് അപ്ത്രിദാസ്.2023ൽ ടെഹ്‌റാനിലെ ഫഡ്ജർ ഇന്‍റർനാഷണൽ തിയെറ്റർ ഫെസ്റ്റിവലിലും ഇറാഖിലെ ബാഗ്ദാദ് ഇന്‍റർനാഷണൽ തിയെറ്റർ ഫെസ്റ്റിവലിലും അവതരിപ്പിച്ച നാടകമാണ് 9ന് കേരള സംഗീത നാടക അക്കാദമിയിലെ ആക്റ്റർ മുരളി തിയെറ്ററിൽ വൈകിട്ട് 7.30ന് പ്രദർശനത്തിനൊരുങ്ങുന്നത്. ­­­പിറ്റേന്ന് വൈകിട്ട് 7 മണിക്ക് നാടകത്തിന്‍റെ പുനരവതരണം ഉണ്ടാകും.