വടകര: ജി. അരവിന്ദന്‍റെ 'ചെറിയ മനുഷ്യരും വലിയ ലോകവും' ഇതിഹാസ മാനങ്ങളുള്ള ഗ്രാഫിക് നോവലാണെന്ന് ചിത്രകാരി ജോളി എം. സുധൻ. കളിക്കളത്തിൽ നടന്ന പയസ്വിനിയുടെ പ്രതിമാസ പരിപാടിയായ അക്ഷരനിർഝരിയിൽ പ്രഭാഷണം നടത്തുകയായിരുന്നു ജോളി എം. സുധൻ.

ജി. അരവിന്ദന്‍റെ സിനിമകളോളം, ചിലപ്പോൾ സിനിമകളെ വെല്ലുന്ന, ജീവിതദർശനം ഈ വിശിഷ്ടകൃതി ആവിഷ്കരിക്കുന്നുണ്ടെന്നും അവർ കൂട്ടിച്ചേർത്തു. ചടങ്ങിൽ രമേശ് രഞ്ജനം അധ്യക്ഷനായി. കെ. വിജയൻ പണിക്കർ, തയ്യുള്ളതിൽ രാജൻ, സത്യൻ കാവിൽ, ടി. പ്രമോദ്, വി. മുരളീധരൻ എന്നിവർ സംസാരിച്ചു.