മുംബൈ: ബാങ്കോക്കിൽ നിന്ന് കോടികൾ വില വരുന്ന ലഹരിമരുന്ന് കടത്താൻ ശ്രമിച്ച മുൻ മിസിസ് കേരള മത്സരാർഥി അറസ്റ്റിൽ. ഹർഷ സണ്ണി (28)യാണ് മുംബൈ ഛത്രപതി ശിവാജി മഹാരാജ് വിമാനത്താവളത്തിൽ നിന്ന് കസ്റ്റംസ് അറസ്റ്റ് ചെയ്തത്. 11.82 കോടി രൂപയുടെ കഞ്ചാവാണ് പിടിച്ചെടുത്തത്. 2025ലെ മിസ് കേരള മത്സരത്തിൽ ഹർഷ പങ്കെടുത്തിരുന്നു.

ജൂൺ 10ന് ബാങ്കോക്കിൽ നിന്ന് മുംബൈ വിമാനത്താവളത്തിലെത്തിയ ഹർഷയുടെ പെരുമാറ്റത്തിൽ സംശയം തോന്നിയതിനെത്തുടർന്ന് എയർ ഇന്ത്യ ഇന്‍റലിജൻസ് യൂണിറ്റിലെയും കസ്റ്റംസിലെയും ഉദ്യോഗസ്ഥർ കൂടുതൽ പരിശോധനകൾ നടത്തുകയായിരുന്നു.

ഹർഷയുടെ ബാഗിൽ നിന്ന് 12 പാക്കറ്റുകളിലായി 11 കിലോ തൂക്കം വരുന്ന ഹൈജ്രോപോണിക് കഞ്ചാവാണ് കണ്ടെത്തിയത്. 11.82 കോടി രൂപയാണ് ഇതിന് അന്തർദേശീയ വിപണിയിൽ വില.