11 വയസുകാരിയെ ബലാത്സംഗം ചെയ്തു; ഹെഡ് മാസ്റ്റർ അറസ്റ്റിൽ
ഹോഷിയാർപുർ: പതിനൊന്നു വയസുള്ള പെൺകുട്ടിയെ ബലാത്സംഗം ചെയ്തുവെന്ന പരാതിയിൽ പ്രധാന അധ്യാപകർ അറസ്റ്റിൽ. പഞ്ചാബിലെ ഹോഷിയാർപുരിലാണ് സംഭവം. ഓഗസ്റ്റ് 11ന് ഗ്രാമത്തിലെ ശ്മശാനത്തിനരികിൽ വച്ച് പെൺകുട്ടിയെ പീഡിപ്പിച്ചുവെന്നാണ് കുട്ടിയുടെ പിതാവ് പരാതി നൽകിയിരിക്കുന്നത്.
തുടർന്ന് സർക്കാർ സ്കൂളിലെ പ്രധാന അധ്യാപകനായ 52കാരനെ പൊലീസ് പോക്സോ അടക്കമുള്ള കുറ്റങ്ങൾ ചുമത്തി അറസ്റ്റ് ചെയ്തു. കേസിൽ അന്വേഷണം തുടരുകയാണ്.