മജിസ്ട്രേറ്റിനു മുന്നിൽ ഹാജരാക്കാൻ എത്തിക്കുന്നതിനിടെ പ്രതികൾ ചാടിപ്പോ‍യി

കൊച്ചി: മോഷണ കേസ് പ്രതികൾ പൊലീസ് കസ്റ്റഡിയിൽ നിന്നും രക്ഷപ്പെട്ടു. കടവന്ത്ര പൊലീസ് പിടികൂടിയ പ്രതികളെ മജിസ്ട്രേറ്റിന് മുന്നിൽ ഹാജരാക്കാൻ എത്തിച്ചപ്പോഴാണ് പൊലീസിനെ വെട്ടിച്ച് പ്രതികൾ സംഭവസ്ഥലത്ത് നിന്നും കടന്ന് കളഞ്ഞത്.

ആലപ്പുഴ നൂറനാട് സ്വദേശിയായ സൂരജ്, പത്തനംതിട്ട സ്വദേശി റസൽ എന്നിവരാണ് രക്ഷപ്പെട്ടത്. ഇതിൽ സൂരജിനെ പൊലീസ് പിന്തുടർന്ന് പിടികൂടി. റസലിനെ പിടികൂടാനായിട്ടില്ല. പ്രദേശത്തും പരിസര ജില്ലകളിലും പൊലീസ് തെരച്ചിൽ ആരംഭിച്ചിട്ടുണ്ട്.