നാദാപുരം: കോഴിക്കോട് നാദാപുരത്ത് 3 പേർ മുങ്ങി മരിച്ചു. ഒരു കുടുംബത്തിലെ മൂന്നു പേരാണ് മരിച്ചത്. അരിക്കുണ്ട് സ്വദേശികളായ അൻസാർ, ഭാര്യ സുഹാദ ഇവരുടെ സഹോദരന്‍റെ മകൾ ഇസ മറിയം എന്നിവരാണ് മരിച്ചത്.

തുണി അലക്കാനായി പുഴയിലെത്തിയതായിരുന്നു കുടുംബം. ഇതിനിടെ കുട്ടി മുതിർന്നവരുടെ കണ്ണുവെട്ടിച്ച് ആഴമുള്ള സ്ഥലത്തേക്ക് പോവുകയായിരുന്നു. കുട്ടി മുങ്ങിത്താഴുന്നത് കണ്ട് രക്ഷിക്കാനിറങ്ങിയതാണ് ഇരുവരും. തുടർന്ന് മൂന്നു പേരും മുങ്ങി മരിക്കുകയായിരുന്നു.